ҶОМИ ОСИЁ-2023. Дастаи мунтахаби ҷавонони Тоҷикистон мусобиқаро бо 4 имтиёз анҷом дод
ДУШАНБЕ, 09.03.2023 /АМИТ «Ховар»/. Шоми дирӯз дар доираи бозии охири даври гурӯҳии Ҷоми Осиё-2023 дастаҳои мунтахаби ҷавонони Кореяи Ҷанубӣ ва Тоҷикистон оид ба футбол бозӣ карданд. Вохӯрии дастаҳо дар варзишгоҳи «Бунёдкор»-и шаҳри Тошканд доир шуда, бо ҳисоби мусовии 0 бар 0 ба анҷом расид, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Натиҷаи вохӯрии мусовӣ барои футболбозони дастаи мунтахаби ҷавонони Тоҷикистон кумак накард, ки ба даври баъдии мусобиқа роҳ ёбад. Дар бозии дигари гурӯҳ дастаҳои мунтахаби ҷавонони Урдун бо Уммон ҳисобро мусовӣ (0:0) карданд. Ҳамин тавр, дар гурӯҳи «С» дастаҳои мунтахаби ҷавонони Кореяи Ҷанубӣ (7 имтиёз) ва Урдун (4 имтиёз) ба даври 1/4-ниҳоӣ роҳ ёфтанд.
Дастаи мунтахаби ҷавонони Тоҷикистон дар марҳилаи гурӯҳӣ мусобиқаи мазкурро бо 4 имтиёз ба анҷом расонид. Дар бозии аввал дастаи мунтахаби ҷавонони Тоҷикистон 2 март бо ҳисоби 2 бар 0 аз дастаи Урдун мағлуб шуда, дар бозии дуюм дастаи мунтахаби ҷавонони Уммонро бо ҳисоби 1 бар 0 шикаст дод. Дар бозии даври охир дастаи мунтахаби ҷавонони Тоҷикистон бо дастаи мунтахаби ҷавонони Кореяи Ҷанубӣ мусовӣ — 0 бар 0 бозӣ кард.
Ёдовар мешавем, ки дар ду мусобиқаи охирини Ҷоми Осиё (солҳои 2016, 2018) дастаи мунтахаби ҷавонони то 20-солаи Тоҷикистон ба даври баъдӣ роҳ ёфта буд.
Акс: ФФТ
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
