Пешвои миллат Эмомалӣ Раҳмон дар шаҳри Истиқлол коргоҳи дӯзандагию қолинбофиро ба истифода доданд

Март 30, 2023 10:39

ДУШАНБЕ, 30.03.2023 /АМИТ «Ховар»/. 30 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Истиқлоли вилояти Суғд коргоҳи дӯзандагию қолинбофиро ба истифода доданд.

Иншооти мазкур аз ҷонби Корхонаи Воҳиди Давлатии “Нури Ховар” бунёд гардида, самти асосии фаъолияти он дӯзандагию қолинбофӣ мебошад ва бо дастгоҳу таҷҳизоти муосир муҷаҳҳаз гардидааст.

Дар коргоҳи дӯзандагӣ қариб 15 зану духтари хонанишин ба кор ҷалб гардида, ба дӯхти сару либоси ягонаи мактабӣ, корӣ, рахти хоб ва либосҳои гуногуни миллӣ машғуланд.

Коргоҳи дӯзандагӣ дорои 12 мошинаи дарздӯзӣ, бурандагӣ, дарзмолкунӣ ва дигар таҷҳизоти зарурӣ аст.

Дар коргоҳи қолинбофӣ низ дастгоҳҳои муосир, таҷҳизот барои печонидани ресмон васлу насб карда шудааст, ки бо истифода аз он қолинҳои хушсифат бофта мешаванд.

Дар коргоҳ қариб 600 ҷуфт либосҳои гуногун ва қолинҳои дастии хушсифат истеҳсол намудан мумкин аст.

Ба Сарвари давлат иттилоъ доданд, ки дар айни замон дар коргоҳи қолинбофӣ 5 намуди қолин истеҳсол гардида, ашёи хом, аз ҷумла ришта аз хориҷи мамлакат ворид мегардад.

Сифати қолинҳои коргоҳ ба талаботи рӯз ҷавобгӯ буда, мувофиқ ба талаботи бозор истеҳсол карда мешавад.

Президенти Ҷумҳурии Тоҷикистон муҳтарам Эмомалӣ Раҳмон бо коргарони коргоҳи мазкур суҳбати озоду самимӣ анҷом дода, онҳоро ба истеҳсоли маҳсулоти хушсифат ҳидоят намуданд.

Занону бонувони хонанишини шаҳри Истиқлол дар навбати худ ба Пешвои миллат ҷиҳати фароҳам намудани шароити мусоиди кору зиндагӣ изҳори сипосу миннатдорӣ намуда, ваъда доданд, ки фаъолиятро дар ин коргоҳи тозабунёд боз ҳам беҳтар ба роҳ мемонанд.

Бунёди коргоҳи мазкур, ки дар доираи корҳои созандагӣ бахшида ба 35-солагии Истиқлоли давлатии Ҷумҳурии Тоҷикистон ба амал омадааст, дар таъмини бозори дохилӣ бо маҳсулоти ватанӣ ва беҳдошти сатҳи зиндагии сокинони шаҳри Истиқлол нақши созанда дорад.

Ифтитоҳи коргоҳи дузандагию қолинбофӣ дар шаҳри Истиқлол 30.03.2023

Март 30, 2023 10:39

Хабарҳои дигари ин бахш

Соли чорум аст, ки сокинону меҳмонон ва сайёҳон аз тамошои Боғи «Куруши Кабир»-и шаҳри Душанбе баҳра мебаранд
Пешвои миллат Эмомалӣ Раҳмон Вазири корҳои хориҷии Федератсияи Русия Сергей Лавровро ба ҳузур пазируфтанд
Дар корхонаи «Пойафзоли Кангурт» давоми 4 моҳи соли равон 5490 ҷуфт пойафзоли мардона истеҳсол гардидааст
ҶОМИ ОСИЁ-2024. Мунтахаби олимпии Тоҷикистон (U-23) омодагиро ба марҳилаи интихобӣ оғоз намуд
Дар Душанбе бо иштироки Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани машварат доир шуд
5 июн дар шаҳри Гулистон ҷаласаи Мушовараи якҷояи вазоратҳои корҳои дохилии Тоҷикистон ва Русия баргузор гардид
Нависандаи халқии Тоҷикистон Саттор Турсун аз олам даргузашт
Дар соли раёсати Тоҷикистон Фонди байналмилалии наҷоти Арал ба ҳайси нозир дар Маҷмаи Умумии СММ пазируфта шуд
Ҳамкории Донишкадаи кӯҳӣ-металургии Тоҷикистон ва Донишгоҳи кӯҳӣ-металлургии Федератсияи Русия тақвият меёбад
Пешниҳод: «Чойхонаи миллии тоҷикӣ бояд ба феҳристи объектҳои мадании ЮНЕСКО ворид карда шавад»
Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани аз НБО «Роғун» боздид намуд
Президенти Ҷумҳурии Тоҷикистон Эмомалӣ Раҳмон бо аъзои Раёсати Фонди байналмилалии наҷоти Арал мулоқот намуданд