Си Ҷинпин дубора ба мақоми раиси Ҷумҳурии Мардумии Чин барои давраи сеюми панҷсола интихоб карда шуд
ДУШАНБЕ, 10.03.2023 /АМИТ «Ховар»/. Вакилони нахустин иҷлосияи даъвати 14-уми маҷлиси умумихалқии намояндагони мардумии Чин (МУНМЧ, парлумон) рӯзи ҷумъа якдилона барои интихоби дубораи Си Ҷинпин ба мақоми раиси Ҷумҳурии Мардумии Чин раъй доданд, иттилоъ медиҳад АМИТ «Ховар» бо истинод ба «Синхуа».
Дар овоздиҳӣ 2952 нафар иштирок намуд.
Моҳи октябр, пас аз анҷумани 20-уми Ҳизби коммунистии Чин (ҲКЧ), Си Ҷинпин инчунин барои бори севвум ба мақоми котиби кулли Кумитаи марказии Ҳизби коммунистии Чин интихоб гардид.
Си Ҷинпин соли 1953 дар Пекин дар оилаи пешвои барҷастаи инқилобӣ ва сиёсии Чин ба дунё омадааст. Соли 1974 ӯ ба сафи Иттиҳоди коммунистии ҷавонони Чин шомил шуда, баъдан якчанд вазифаҳои ҳизбиро дар сатҳи вилоятҳо ба уҳда дошт. Аз соли 1999 то соли 2002 волии музофоти Футсзяни шарқӣ, соли 2007 узви Кумитаи доимии (КД) Бюрои Сиёсии КМ (КМҲК) буда, моҳи марти соли 2008 муовини раиси ҶМЧ интихоб гардид.
Си Ҷинпин моҳи ноябри соли 2012 раиси Кумитаи марказии Ҳизби коммунистӣ ва Шӯрои низомии Ҳизби коммунистии Чин таъйин шуда, моҳи марти соли 2013 роҳбарии давлат ва раёсати Шӯрои марказии ҳарбии Чинро ба уҳда гирифт.
Азиза ДАДАБОЕВА,
АМИТ «Ховар»
АКС: «Синхуа»
Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид
