ТАҒЙИРЁБИИ ИҚЛИМ. СММ дар бораи ба таври рекордӣ коҳиш ёфтани майдони яхҳои баҳрии Антарктика дар моҳи феврал иттилоъ дод
ДУШАНБЕ, 14.03.2023 /АМИТ «Ховар»/. Масоҳати майдони яхҳои баҳрӣ дар Антарктика дар охири моҳи феврал 1,83 миллион метри мураббаъро ташкил додааст, ки ин андозаи рекордии пасттарин дар охири фасли зимистон ба ҳисоб меравад. Тавре АМИТ «Ховар» иттилоъ медиҳад, дар ин хусус 10 март дар брифинги Женева намояндаи расмии Созмони ҷаҳонии обуҳавошиносӣ (WMO) Клэр Нюллис хабар додааст.
«Масоҳати яхҳои баҳрӣ дар Антарктика моҳи феврал ҳангоми мушоҳидаи обу ҳаво ва иқлим ба сатҳи рекордии паст рафта расид», — иброз намуд Клэр Нюллис. Мувофиқи маълумоти Созмони ҷаҳонии обуҳавошиносӣ, ки муассисаи махсуси Созмони Милали Муттаҳид мебошад, охири моҳи феврал яхи баҳр 1,83 миллион километри мураббаъро ташкил намуд, ки 93 ҳазор метри мураббаъ аз ҳадди рекордии мавсимӣ дар моҳи феврали соли 2022 сабтшуда камтар аст.
Дар мавриди Арктика бояд гуфт, ки майдони яхи баҳрӣ дар моҳи феврал дуюмин хурдтарин дар тамоми таърихи мушоҳидаҳои ба қайд гирифта дар охири давраи зимистон мебошад: аз соли 1981 то соли 2010 ба ҳисоби миёна ба андозаи 1,12 миллион метри мураббаъ камтар аст.
Тавре дар Созмони ҷаҳонии обуҳавошиносӣ (WMO) шарҳ доданд, ҳоло хулоса баровардан барвақт аст, ки оё ин як ҷузъи тағйирёбии табиии обу ҳавост ё тамоюли нави обшавии дарозмуддат дар натиҷаи тағйирёбии иқлим, ки метавонад ба болоравии сатҳи баҳр таъсири ҷиддии ғайримустақим дошта бошад.
Азиза ДАДАБОЕВА,
АМИТ «Ховар»
АКС аз манбаъҳои боз
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд
