ТАҚВИМИ АМИТ «ХОВАР»: имрӯз 14 март, сешанбе, 73-юмин рӯзи соли 2023 аст

14 марти соли 2011  Дар чорчӯбаи Бизнес–форум бо иштироки Президенти Ҷумҳурии Тоҷикистон Эмомалӣ Раҳмон дар шаҳри Карочии Покистон дар меҳмонхонаи «Шератон» таҳти унвони «Бойигарии Тоҷикистон» намоиши аксҳо баргузор гардид. 

***

Дар ин рӯзи соли 2016 Дар шаҳри Душанбе  Президенти Ҷумҳурии Тоҷикистон муҳтарам Эмомалӣ Раҳмон директори генералии Агентии иттилоотии телеграфии Русия ТАСС Сергей Михайловро  ба ҳузур пазируфтанд.

***

14 марти соли 2018 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба  Ҷумҳурии Қазоқистон бо Президенти Ҷумҳурии Қазоқистон ба “Маркази Назарбоев” ташриф оварданд.

14 МАРТ: 

Дар Тоҷикистон Рӯзи кормандони  мақомоти Прокуратура

***

Рӯзи байналмилалии дарёҳо.

 РӮЙДОДҲО:

14 марти соли 2022  дар Парлумони мамлакат  масъалаи ба Кодекси андоз ва Кодекси гумруки Тоҷикистон  ворид намудани  тағйиру иловаҳо, аз ҷумла масъалаи  то 10 сол аз пардохти андози ягонаи замин озод намудани замини тутзор ва аз пардохти андозҳо озод намудани шахсони ҳуқуқие, ки ба коркарди пилла, истеҳсоли матоъҳои шоҳӣ, атласу адрас ва дигар маснуоти бофандагии дастӣ машғуланд, инчунин аз пардохтҳои андозӣ ва боҷҳои гумрукӣ пурра озод кардани воридоти воситаҳои нақлиёти барқӣ ба ҷумҳурӣ, яъне электромобилҳо, электробусҳо ва троллейбусҳо мавриди баррасӣ қарор гирифт.

***

14 марти соли 2011 Дар  шаҳри Минск ҷаласаи Шӯрои намояндагони  доимӣ ва ваколатдори давлатҳои аъзои  ИДМ  дар назди мақомоти расмӣ ва мақомоти дигари Иттиҳоди Давлатҳои Мустақил баргузор гардид.

ДАР ИН РӮЗ ТАВАЛЛУД ШУДААНД: 

Абдусалом Деҳотӣ- соли 1911 — шоир, нависанда, драманавис, луғатшинос, арбоби давлатӣ, узви Иттифоқи нависандагони Тоҷикистон

 ***

Мамадшо Илолов- соли 1948-риёзидон, ходими давлатӣ, академик