Дар Душанбе ҷаласаи нахустини Кумитаи роҳбарикунанда оид ба таҳсилот ва тайёрии техникӣ-касбӣ баргузор гардид
ДУШАНБЕ, 19.04.2023 /АМИТ «Ховар»/. 18 апрел дар Вазорати молияи Ҷумҳурии Тоҷикистон таҳти раисии Вазири молия Файзиддин Қаҳҳорзода ва ҳамраисии хонум Сара Риналди – сардори шуъбаи Шарқи Наздик/Халиҷи Форс ва Осиёи Марказӣ, Директорати генералӣ оид ба ҳамкории байналмилалии Комиссияи Аврупо ҷаласаи нахустини Кумитаи роҳбарикунанда оид ба таҳсилот ва тайёрии техникӣ/касбӣ ва Барномаи дастгирии буҷетии бахши шуғл баргузор шуд. Дар ин хусус АМИТ «Ховар» бо истинод ба Вазорати молияи ҷумҳурӣ хабар медиҳад.
Дар ҷаласа масъалаҳо вобаста ба амалишавии Барномаи нави дастгирии буҷети давлатӣ, ки солҳои 2023 – 2025-ро фаро мегирад, мавриди муҳокима қарор дода шуд. Гуфта шуд, ки барнома фарогири масъалаҳои марбут ба беҳтар намудани низоми таҳсилоти касбии техникӣ, бозори меҳнат, шуғли аҳолӣ, инчунин рақамикунонӣ дар ин соҳаҳо, масъалаҳои марбут ба идоракунии молияи давлатӣ ва таъмини шаффофият дар соҳаи мазкур мебошад
Ҷонибҳо изҳор доштанд, ки ҳамкорӣ дар ин самтҳо ба рушди ҳамкорӣ байни Ҷумҳурии Тоҷикистон ва Иттиҳоди Аврупо такони нав бахшида, татбиқи чунин барномаҳо ба ҳалли масъалаҳои иҷтимоию иқтисодии ҷумҳурӣ, ки дар ҳуҷҷатҳои стратегии мамлакат инъикос ёфтаанд, равона карда мешавад.
Дар фарҷом ҷонибҳо ҷиҳати баргузории вохӯриҳои навбатӣ ва ба роҳ мондани ҳамкории мутақобилан судманд изҳори омодагӣ карданд.
АКС: Вазорати молияи Ҷумҳурии Тоҷикистон
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
