Дар хоҷагии ба номи Латиф Муродови шаҳри Ҳисор бори аввал кишти пунбадона бо усули замонавӣ гузаронида мешавад
ДУШАНБЕ, 12.04.2023 /АМИТ «Ховар»/. Бори аввал дар хоҷагии ба номи Латиф Муродови шаҳри Ҳисор бо мусоидати Вазорати кишоварзии Тоҷикистон кишти пунбадона бо усули замонавӣ гузаронида мешавад, ки бартарияти зиёд дорад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Тухмӣ тавассути техникаи ҳозиразамони тухмипошии туркӣ, ки кишти дақиқ номгузорӣ шудааст, кишт карда шуда, дар як вақт амалиёти озуқадиҳии майдони пахтазор низ амалӣ мегардад. Бо мақсади дар оянда тавассути комбайнҳои пахтачинӣ ҷамъоварӣ намудани ҳосил масофаи байни қаторҳо аз 60 сантиметри маъмулӣ то 75 сантиметр васеъ карда мешавад. Як тухмипошак имконияти дар як рӯз кишт намудани 8-10 гектарро доро буда, истифодаи самаранок аз ин усули кишт имконият медиҳад, ки муҳлати кишт дар хоҷагиҳо ба дарозо накашида, дар давраи муайян ба анҷом расонида шавад.
Агар бо усули маъмулӣ барои кишти як гектар пунбадона 100-120 килограмм тухмӣ масраф мешуд, ҳоло бо тарзи нави кишти дақиқ дар як гектар ҳамагӣ 25-30 килограмм тухми лучак кифоя мебошад.
Иқдоми мазкур дар пайравӣ ба хоҷагиҳои пахтакори ноҳияи Данғара, ки аз ин усул истифода менамоянд, ба роҳ монда шудааст. Дар доираи ҳамкорӣ бо онҳо ҷамъоварии ҳосил тавассути комбайнҳои пахтачинии муосир дар назар дошта шудааст.
Хоҷагиҳои пахтакори Ҳисор тасмим гирифтаанд, ки тибқи дурнамо, имсол дар майдони 1200 гектар пунбадона кишт кунанд, ки 250 гектари он ба хоҷагии ба номи Латиф Муродов тааллуқ дорад. Деҳқонони хоҷагӣ дар рӯёнидани пахта таҷрибаи ғанӣ доранд ва аз ҷиҳати масоҳати майдони пахта, ҳаҷми истеҳсол ва ҳосилнокӣ аз рӯи бисёр нишондиҳандаҳо дар шаҳр пешсаф мебошанд.
Раиси шаҳри Ҳисор дар доираи сафари корӣ ба Ҷамоати деҳоти Деҳқонобод дар маъракаи кишти пахтаи деҳқонон иштирок намуда, ҳангоми суҳбат бо пирони кор ва деҳқонон иброз дошт, ки ҳар лаҳзаи мусоиди обу ҳаворо ғанимат дониста, кишти пахтаро дар муҳлати на дертар аз 10 рӯз ба анҷом расонанд.
АКС: Мақомоти иҷроияи ҳокимияти давлатии шаҳри Ҳисор
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
