Дар Лондон муколамаи сиёсӣ байни вазоратҳои корҳои хориҷии Тоҷикистон ва Британияи Кабир баргузор шуд
ДУШАНБЕ, 01.04.2023 /АМИТ «Ховар»/. 30 марти соли 2023 дар Вазорати корҳои хориҷӣ, Иттиҳод ва рушди Подшоҳии Муттаҳидаи Британияи Кабир ва Ирландияи Шимолӣ байни вазоратҳои корҳои хориҷии Тоҷикистон ва Подшоҳии Муттаҳида Муколамаи сиёсӣ баргузор гардид.
Ҳайати Ҷумҳурии Тоҷикистонро дар ин нишаст Муовини вазири корҳои хориҷӣ Шараф Шерализода ва ҳайати Подшоҳии Муттаҳидаро Вазири давлатӣ дар умури Аврупо ва Амрикои Шимолӣ Лео Дочертӣ роҳбарӣ намуданд.
Аснои Муколама ҷонибҳо доираи васеи масъалаҳои ҳамкории Тоҷикистону Подшоҳии Муттаҳидаро дар соҳаҳои сиёсату иқтисод, сармоягузориву тиҷорат, маорифу фарҳанг, обу иқлим, мубориза бо таҳдиду чолишҳои амниятӣ, аз қабили терроризму ифротгароӣ ва гардиши ғайриқонунии маводди мухаддир, мавриди муҳоқима қарор доданд.
Равобити байнипарлумонӣ, ҳамкорӣ дар чаҳорчӯби созмонҳои байналмилалӣ ва минтақавӣ, вазъ дар Афғонистон, зарурати таҳкими сарҳадҳо ва дастгирии фаннии лоиҳаву барномаҳои Тоҷикистон дар соҳаи нерӯи “сабз” ва аҳаммияти роҳандозии сафарҳои мақомдорони аршади ду кишвар аз ҷумлаи мавзӯъҳое дигаре буданд, ки зимни Муколамаи мавриди назар баррасӣ шуд.
Дар поёни Муколамаи сиёсӣ роҳбарони ҳайатҳо Ёддошти тафоҳум оид ба ҳамкорӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ, Иттиҳод ва рушди Подшоҳии Муттаҳидаи Британияи Кабир ва Ирландияи Шимолиро имзо намуда, ҷиҳати идомаи муколамаи созанда ба мақсади тақвияти робитаҳо дар соҳаҳои мавриди эҳтимоми тарафайн ба мувофиқа расиданд.
АКС: Сафорати Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
