Дар Тоҷикистон машваратҳои байниидоравӣ вобаста ба таъсиси Маркази зиддимухаддиротии Созмони ҳамкории Шанхай дар Душанбе доир шуд
ДУШАНБЕ, 26.04.2023 /АМИТ «Ховар»/. 24-25 апрел таҳти раёсати ҷониби Тоҷикистон машварати навбатии намояндагони мақомоти ваколатдори давлатҳои аъзои Созмони ҳамкории Шанхай (СҲШ) бо мақсади баррасии масъалаи дар шаҳри Душанбе таъсис додани Ниҳоди алоҳидаи доимамалкунандаи зиддимухаддиротии Созмони мазкур доир гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар машваратҳо коршиносони аршади мақомоти дахлдори давлатҳои аъзои Созмони ҳамкории Шанхай– Ҳиндустон, Қазоқистон, Чин, Қирғизистон, Покистон, Русия, Тоҷикистон ва Узбекистон, инчунин роҳбарияти Котиботи Созмон иштирок доштанд. Ҳайати Ҷумҳурии Исломии Эрон ва Ҷумҳурии Беларус ба сифати давлатҳои нозир дар созмон, ҳамчунин дар кори ҷаласа иштирок карданд.
Ҷаласаи мазкур идомаи тадбирҳо дар раванди татбиқи Қарори Шӯрои сарони давлатҳои СҲШ дар бораи такмили механизмҳои муқовимат ба таҳдиду хатарҳо ба амнияти кишварҳои Созмон, ки сентябри соли 2021 дар Душанбе дар натиҷаи саммити ҷашнии 20-солагии СҲШ қабул шуда буд, ба ҳисоб меравад.
Иштирокдорони машваратҳо раванди татбиқи ташаббуси Президенти Ҷумҳурии Тоҷикистон муҳтарам Эмомалӣ Раҳмон дар бораи таъсиси Маркази зиддимухаддиротии СҲШ дар шаҳри Душанберо ба таври амиқ баррасӣ карданд.
Ба таваҷҷуҳи ҳайатҳо дар бораи рӯйкардҳои ҷониби Тоҷикистон роҷеъ ба равишҳои имконпазир ҷиҳати таъсис намудани Маркази зиддимухаддиротӣ, вазифаҳои асосӣ ва сохтори он, рӯнамои иҷрокунандаи вазифаи ҳамоҳангсози миллии Ҷумҳурии Тоҷикистон оид ба корҳои Созмони ҳамкории Шанхай Аҳмад Саидмуродзода пешниҳод гардид.
Иштирокдорони машваратҳо ҳамчунин аз минтақаҳои наздисарҳадии Вилояти Мухтори Кӯҳистони Бадахшони Ҷумҳурии Тоҷикистон дар самти Афғонистон ва Агентии назорати маводи нашъаовари назди Президенти Ҷумҳурии Тоҷикистон боздид ба амал оварда, дар бораи тадбирҳои аз ҷониби мақомоти салоҳиятдори Тоҷикистон дар самти мубориза бо таҳдиди маводи мухаддир андешидашуда маълумоти муфассал гирифтанд.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон дар мулоқоти Сергей Лавров бо раисони кумитаҳои парламентҳои давлатҳои аъзои СААД иштирок намуд
Президенти Ҷумҳурии Қирғизистон Садир Жапаров бо Сарвазири Ҷумҳурии Тоҷикистон Қоҳир Расулзода мулоқот намуд
Ширкати австриягии «Andritz Hydro GmbH» барои густариши ҳамкорӣ бо Тоҷикистон изҳори омодагӣ кард
Дар Душанбе дурнамои рушди муносибатҳо байни Тоҷикистону Қазоқистон баррасӣ гардид
Сафири Тоҷикистон бо Вазири корҳои дохилии Ҷумҳурии Австрия мулоқот намуд
Дар Берлин имконоти ҳамкории иқтисодии Олмон бо кишварҳои Осиёи Марказӣ баррасӣ шуд
Дар Берлин нахустин нишасти вазирони корҳои хориҷии кишварҳои Осиёи Марказӣ ва Олмон дар қолаби «С5+1» доир гардид
Олимон ва муҳаққиқони тоҷик дар Намоишгоҳи байналмилалии ихтироъкорӣ дар Кувайт соҳиби 10 медал шуданд
Сироҷиддин Муҳриддин ва Йоҳанн Вадефул ҳамкории дуҷониба байни Тоҷикистону Олмонро баррасӣ намуданд
Дар Берлин ҳамкорӣ байни Тоҷикистон ва Иттиҳоди Аврупо баррасӣ гардид
Дар Муассисаи давлатии таҳсилот ва омӯзиши амалии Давлати Кувайт гӯшаи фарҳангии Тоҷикистон ташкил карда шуд
Сафири Тоҷикистон бо Раиси Сенати Олий Мажлиси Узбекистон мулоқот намуд
