Ширкати «Formula55» бори сеюм сарпарасти бошгоҳи футболи «Душанбе» шуд

ДУШАНБЕ, 04.04.2023 /АМИТ «Ховар»/. Имрӯз, 4 апрел нахустин Ширкати букмекерии «Formula55» сарпарасти расмии бошгоҳи футболи «Душанбе» гардид. Ширкат соли сеюм аст, ки ин клубро аз ҷиҳати молиявӣ дастгирӣ мекунад. Дар ин хусус ба мухбири АМИТ «Ховар» дар ширкати «Formula55» хабар доданд.

Тавре Президенти бошгоҳи футболи Душанбе Чарлз Наркотей иброз дошт, ин ҳамкории судманд барои дубора баромадани дастаи мо ба Лигаи олии Тоҷикистон дар оянда мусоидат мекунад. Мавсими нав дар Лигаи якуми Тоҷикистон пас аз чанд рӯз оғоз мешавад ва бошгоҳи футболи «Душанбе» дар пеши худ мақсад гузоштааст, ки сазовори ҷойҳои ифтихории чемпионат шавад.

Бояд гуфт, ки Ширкати букмекерии «Formula55» пайваста дастаҳои футболи мамлакатро аз лиҳози молиявӣ дастгирӣ мекунад. Қабл аз дастаи «Душанбе» Ширкат сарпарасти бошгоҳи футболи «Хуҷанд» низ гардид.

Яке аз ҳадафҳои асосии Ширкати «Formula55» аз рӯзҳои аввали таъсис — ин дастгирии варзишгарон, рушд додани соҳаи варзиш ва саҳм гузоштан дар пешрафти тарбияи ҷисмонӣ мебошад. Ҳамзамон «Formula55» мунтазам чорабиниҳои гуногуни варзишӣ, варзишгарон, инчунин клубҳо ва федератсияҳои варзиширо дастгирӣ мекунад.

АКС аз ширкати «Formula55»