Ҳайати намояндагони Палатаи байналмилалии савдо ва саноати Малайзия бо низоми бонкии Тоҷикистон шинос шуд

Май 6, 2023 14:40

ДУШАНБЕ, 06.05.2023 /АМИТ «Ховар»/. Масъалаҳои муҳими вобаста ба низоми бонкӣ ва сармоягузорӣ ба соҳаҳои гуногуни иқтисоди мамлакат дар ҷараёни мулоқоти муовини якуми Раиси Бонки миллии Тоҷикистон Фирдавс Толибзода бо соҳибкорон ва намояндагони Палатаи байналмилалии савдо ва саноати Малайзия таҳти роҳбарии Президенти палатаи мазкур хонум Кристина Ти дар Душанбе баррасӣ шуд.

Дар Бонки миллии Тоҷикистон ба АМИТ «Ховар» иттилоъ доданд, ки муовини якуми Раиси Бонки миллии Тоҷикистон ҳайати Малайзияро бо вазъи феълии макроиқтисодии ҷумҳурӣ ва низоми бонкии мамлакат шинос намуда, гуфт, ки зарфи даҳсолаи охир иқтисодиёти Тоҷикистон рушд намуда, нишондиҳандаҳои макроиқтисодии он аз оғози сол ба таври мусбат ҷамъбаст гардид.

Президенти Палатаи байналмилалии савдо ва саноати Малайзия Кристина Ти ва соҳибкорони ин давлат ба масъалаҳои амалӣ намудани имконияти сармоягузорӣ ба лоиҳаҳо ва самтҳои афзалиятноки иқтисодӣ, кушодани намояндагиҳои ташкилоти молиявӣ, рушди соҳаи суғурта ва ғайра таваҷҷуҳ намуда, андешаҳои худро баён карданд.

Роҳбари ҳайати меҳмонон иброз дошт, ки омода аст дар самти ба роҳ мондани ҳамкории барои ҳарду ҷониб судманд саҳм гузорад.

Иброз дошта шуд, ки Бонки миллии Тоҷикистон ширкати сармояи хориҷиро дар сармояи оинномавии ташкилоти қарзии ҷумҳурӣ ҳамаҷониба дастгирӣ менамояд ва дар робита ба ин доираҳои тиҷоратии Малайзияро ҷиҳати баррасии имконияти иштирок дар сармояи оинномавии ташкилотҳои қарзии молиявии Тоҷикистон даъват намуд.

АКС: Бонки миллии Тоҷикистон

Май 6, 2023 14:40

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
ҚУРБИ АСЪОР: дар Тоҷикистон 1 доллари ИМА аз 10.9546 то 10.9800 сомонӣ муқаррар шудааст
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд