Байни Ҳукумати Тоҷикистон ва Корпоратсияи байналмилалии исломии маблағгузории савдо ва Корпоратсияи исломии рушди бахши хусусӣ ба маблағи 100 миллион доллар созишномаи ҳамкорӣ ба имзо расид

Май 13, 2023 14:30

ДУШАНБЕ, 13.05.2023 /АМИТ «Ховар»/. Байни Ҳукумати Тоҷикистон ва Корпоратсияи байналмилалии исломии маблағгузории савдо ва Корпоратсияи исломии рушди бахши хусусӣ ба маблағи 100 миллион доллари ИМА созишномаи ҳамкорӣ ба имзо расонида шуд. Дар ин хусус ба АМИТ  «Ховар» дар Вазорати рушди иқтисоди Ҷумҳурии Тоҷикистон хабар доданд.

Созишномаи мазкур 12 май дар шаҳри Ҷиддаи Шоҳигарии Арабистони Саудӣ дар вохӯрии Вазири рушди иқтисод ва савдои Ҷумҳурии Тоҷикистон, Мудири кишварии Бонки Исломии Рушд аз Тоҷикистон Завқӣ Завқизода ва Роҳбари Корпоратсияи байналмилалии исломии маблағгузории савдо (ITFC) ва Корпоратсияи исломии рушди бахши хусусӣ (ICD) Ҳани Салем Сонбол ба имзо расонида шуд.

Дар вохӯрӣ Завқӣ Завқизода имконияти зиёди сармоягузорӣ ва рушди бахши хусусии ҷумҳуриро муаррифӣ намуда, аз Роҳбари Корпоратсияи байналмилалии исломии маблағгузории савдо ва Корпоратсияи исломии рушди бахши хусусӣ дархост намуд, ки ба соҳаҳои афзалиятноки иқтисоди миллӣ, аз ҷумла тақвияти иқтидори содиротии мамлакат, таъсиси корхонаҳои нассоҷӣ ва истеҳсоли маҳсулоти ҳалол, марказҳои логистикӣ, рушди савдо ва сайёҳӣ, бонкдории анъанавию исломӣ ва тақвияти иқтидори бахши хусусӣ маблағгузориро зиёд намоянд.

Дар навбати худ Роҳбари Корпоратсия Ҳани Салем Сонбол омодагии худро барои татбиқи лоиҳаҳо дар самтҳои гуфташуда, инчунин тақвияти ҳамкории минбаъда баён намуд.

Бояд қайд кард, ки то имрӯз аз ҷониби Корпоратсияи байналмилалӣ лоиҳаҳои сармоягузорӣ ба маблағи 182 млн доллар дар Ҷумҳурии Тоҷикистон татбиқ шуда, дар айни замон 3 лоиҳа ба маблағи 18 млн доллар амалӣ мегардад.

АКС: Вазорати рушди иқтисод ва савдои Ҷумҳурии Тоҷикистон

Май 13, 2023 14:30

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт