Бостоншиносон дар натиҷаи ҳафриёт дар ноҳияи Фархор якчанд қабри замони маданияти Вахшро пайдо карданд
ДУШАНБЕ, 17.05.2023 /АМИТ «Ховар»/. Дар ёдгории аҳди биринҷии Чилтанбобои ноҳияи Фархор экспедитсияи муштараки Институти таърих, бостоншиносӣ ва мардумшиносии ба номи А. Дониши Академияи миллии илмҳои Тоҷикистон ва Институти шарқшиносии Академияи илмҳои Русия шуруъ аз 1 май идома дорад. Дар натиҷаи ҳафриёт ба бостоншиносон муяссар гардид, ки якчанд қабри замони маданияти Вахшро пайдо намоянд, ки ҷасадҳо бо хусусияти хоси маросимӣ дафн карда шудаанд. Дар ин хусус ба АМИТ «Ховар» дар Институти таърих, бостоншиносӣ ва мардумшиносӣ иттилоъ доданд.
Дар он муҳаққиқон аз Институти таърих, бостоншиносӣ ва мардумшиносии Тоҷикистон- доктори илмҳои таърих С. Бобомуллоев (роҳбари гурӯҳ), антрополог М.Наврӯзбеков ва М. Шарипов ва аз ҷониби Институти шарқшиносии Академияи илмҳои Русия доктори илмҳои таърих Н.М. Виноградова иштирок доранд.
Корҳои бостоншиносӣ дар ин ёдгорӣ то 30 майи соли 2023 идома ёфта, аз натиҷаи дастовардҳои илмии он хабар дода мешавад.
Ҳамзамон аз 29 апрел инҷониб дар ёдгории таърихии Золи Зари ноҳияи Данғара экспедитсияи муштараки Институти таърих, бостоншиносӣ ва мардумшиносии ба номи А. Дониши Академияи миллии илмҳои Тоҷикистон ва Миссияи бостоншиносии Маркази миллии илмҳои Фаронса идома дорад.
Дар он муҳаққиқон аз Институти таърих, бостоншиносӣ ва мардумшиносӣ- академик Ю. Яқубов, номзади илмҳои таърих Т. Филимонова, А. Қараев ва И.Ашурмадов ва аз ҷониби Миссияи бостоншиносии Фаронса Матилд Желен, Валер Бомбо, Реми Ламбер, Албан Сантеноа, Герман Жозеф Зейен ва Марк Песел иштирок доранд.
Корҳои бостоншиносӣ дар ёдгории Золи Зари ноҳияи Данғара аз соли 2021 идома доранд. Аз натиҷаи ҳафриёт маълум шуд, ки ёдгории Золи Зар ба давраи Юнону Бохтар тааллуқ доштааст.
Дигар ёдгориҳои таърихии мансуб ба ин давра дар мавзеъҳои Пушинг, Ғиҷовак, Паркамчӣ, Ёхсу, Маликова, Мазори Мавлоно Тоҷиддин ва Мавлоно Обиддин ёфт шуда, анҷом додани корҳои бостоншиносӣ дар онҳо ба нақша гирифта шудааст.
Корҳои илмӣ-таҳқиқотӣ дар ёдгории Золи Зар то 7 июн идома меёбанд.
АКС: Институти таърих, бостоншиносӣ ва мардумшиносии ба номи А. Дониш
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
