Дар Душанбе бо иштироки ғолибони озмунҳои ҷумҳуриявӣ бахшида ба Рўзи ҷавонон ҳамоиши идона доир шуд

Май 22, 2023 12:04

ДУШАНБЕ, 22.05.2023. /АМИТ «Ховар»/. 20 май дар Осорхонаи миллии Тоҷикистон бахшида ба Рӯзи ҷавонони Тоҷикистон (23 май) таҳти унвони «Нақши ҷавонони соҳибистеъдод дар рушди Тоҷикистони соҳибистиқлол» ҳамоиши идона баргузор гардид. Дар он ғолибони озмунҳои ҷумҳуриявии «Тоҷикистон – Ватани азизи ман», «Фурӯғи субҳи доноӣ китоб аст» ва «Илм – фурӯғи маърифат» иштирок намуданд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Зимни ҳамоиш ба як зумра иштирокчиёни фаъоли ин озмунҳо сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон Кумита супорида шуд.

Ҳамоиш дар доираи моҳвораи ҷавонон баргузор шуда, дар он роҳбарияти Кумита, Вазорати фарҳанги Ҷумҳурии Тоҷикистон, Академияи миллии илмҳои Тоҷикистон, Осорхонаи миллии Тоҷикистон, намояндагони Вазорати маориф ва илми Ҷумҳурии Тоҷикистон, ғолибони озмуни ҷумҳуриявӣ, гирандагони стипендияи президантӣ ва ҷавонони касбу кори гуногун иштирок намуданд.

Нимаи дуюми рӯз дар идомаи ҳамоиши мазкур дар Консерваторияи миллии Тоҷикистон ба номи Талабхӯҷа Сатторов таҳти унвони «Дунё пур аз ҷавонӣ» бо ҷалби ғолибони Озмуни ҷумҳуриявии «Тоҷикистон – Ватани азизи ман» консерти идона баргузор карда шуд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

 

Май 22, 2023 12:04

Хабарҳои дигари ин бахш

Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд
Дар Ховалинг ҷаласаи Шурои директорони муассисаҳои таҳсилоти миёнаи касбӣ баргузор гардид
Дар Душанбе оид ба нақши зеҳни сунъӣ дар соҳаи тандурустӣ ҳамоиш доир гардид