Дар Душанбе Озмуни 10-уми ҷумҳуриявии «Нозирони навраси ҳаракат дар роҳ» ифтитоҳ ёфт
ДУШАНБЕ, 29.05.2023. /АМИТ «Ховар»/. Имрӯз бо ташаббуси раёсати Бозраси давлатии автомобилии Ҷумҳурии Тоҷикистон маросими кушодавии Озмуни 10-уми ҷумҳуриявии «Нозирони навраси ҳаракат дар роҳ» бо иштироки роҳбарияти Вазорати корҳои дохилӣ, Раёсати Бозрасии давлатии автомобилӣ ва намояндагони ВАО доир гардид. Дар ин хусус мухбири АМИТ «Ховар» хабар медиҳад.
Озмуни «Нозирони навраси ҳаракат дар роҳ» аз 28 май то 2 июн дар осоишгоҳи Шоҳамбарӣ идома меёбад. Он дар мувофиқа бо Вазорати корҳои дохилии Ҷумҳурии Тоҷикистон ташкил шуда, мақсад- пешгирӣ намудани ҳодисаҳои роҳу нақлиёт бо иштироки кӯдакону наврасон ва ба ин восита ташвиқу тарғиб намудани иҷрои қоидаҳои ҳаракат дар роҳ ва ҷойҳо мебошад.
Ба гуфти сардори шуъбаи ташвиқоту таблиғоти Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, полковники милитсия Саймумин Ҳасанзода, озмуни мазкур дар се давр гузаронида шуда, даври аввали он дар шаҳру ноҳияҳо, баъдан вилоятҳо ва даври сеюм дар ҷумҳурӣ доир карда мешавад.
Озмуни 10-уми ҷумҳуриявии «Нозирони навраси ҳаракат дар роҳ» байни шаш дастаи нозирони навраси ҳаракат дар роҳҳои минтақаҳои мухталифи мамлакат бо баргузории шартҳо доир мешавад.
Таҳлили гузаронидаи РБДА ВКД Ҷумҳурии Тоҷикистон давоми соли сипаришуда нишон дод, ки зиёда аз 63 фоизи ҳодисаҳои роҳу нақлиётӣ дар ҷумҳурӣ бо иштироки кӯдакон ва наврасон ба амал омадааст.
Тибқи омор, аз аввали соли равон то 25 май дар ҷумҳурӣ 406 ҳодисаи роҳу нақлиёт ба қайд гирифта шудааст, ки дар натиҷа 146 нафар ҳалок шуда, 442 нафар бо ҷароҳати гуногуни ҷисмонӣ дар беморхонаҳо бистарӣ гардонида шудааст.
Бо иштироки пиёдагардон дар 182 ҳодисаи роҳу нақлиётӣ 52 пиёдагард ба ҳалокат расида, 136 нафар ҷароҳат бардоштааст.
«Баргузории чунин озмунҳо байни наврасону кӯдакон барои коҳиши ҳодисаҳои роҳу нақлиётӣ заминаи хуб буда метавонад», — тазаккур дод сардори шуъбаи ташвиқоту таблиғоти Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, полковники милитсия Саймумин Ҳасанзода.
АКС: АМИТ «Ховар»
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
