ДАСТГИРИИ ДАВЛАТ. Бахшида ба Рӯзи ҷавонони Тоҷикистон омӯзгори фаъоли шаҳри Душанбе қадрдонӣ карда шуд
ДУШАНБЕ, 17.05.2023. /АМИТ «Ховар»/. Бахшида ба Рӯзи ҷавонони Тоҷикистон омӯзгори ҷавони фанни физика ва математикаи муассисаи таҳсилоти миёнаи умумии №124-и ноҳияи Фирдавсии шаҳри Душанбе Муродулло Носиров бо Сипосномаи мақомоти иҷроияи ҳокимияти давлатии ноҳияи Фирдавсӣ ва мукофоти пулӣ дар ҳаҷми 10 ҳазор сомонӣ қадрдонӣ гардид, хабар дод ба АМИТ «Ховар» сардори раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода.
Иқдоми мазкур барои хизматҳои арзанда ва фаъолияти намунавӣ, ноил гардидан ба дастовардҳои пурсамари меҳнатӣ, саҳм гузоштан дар пешбурди рушди соҳаи маориф ва таълиму тарбияи насли наврас ба роҳ монда шуд.
Инчунин дар ҷаласаи мушовараи Сарраёсати маорифи шаҳри Душанбе, ки 4 май баргузор гардида буд, Муродулло Носиров бо нишони Аълочии маориф ва илми Тоҷикистон сарфароз гардонида шуд.
Тавре АМИТ «Ховар» қаблан иттилоъ дода буд, омӯзгори муассисаи таҳсилоти миёнаи умумии №124-и ноҳияи Фирдавсии шаҳри Душанбе Муродулло Носиров дар даври дуюми Олимпиадаи байналмилалии Фаронса сазовори ҷойи аввал гардида, Тоҷикистонро дар арсаи байналмилалӣ муаррифӣ намуд.
Олимпиадаи мазкур 18 феврал дар Донишгоҳи байналмилалии Марсели Фаронса аз фанҳои математика, физика ва химия бо иштироки 112 омӯзгори беҳтарини Русия, Фаронса, Полша, Ветнам, Юнон, Тоҷикистон ва дигар давлатҳо баргузор карда шуд.
Ҳамзамон мавсуф дар Олимпиадаи байналмилалии Авруосиё, ки моҳи январи соли 2023 тариқи маҷозӣ (онлайн) аз фанҳои физика, математика ва химия доир гардид, сазовори ҷойи сеюм, диплом ва мукофоти пулӣ гардид. Дар он 1328 омӯзгори Тоҷикистон, Туркманистон, Узбекистон, Туркия, Русия, Қазоқистон ва Афғонистон иштирок дошт.
Бояд тазаккур дод, ки бо дастгирии Ҳукумати мамлакат баҳри баланд бардоштани мақоми омӯзгор дар ҷомеа, бартараф намудани норасоии кадрӣ, таъмини шароити созгор барои маорифчиён ва баланд бардоштани савияи дониши хонандагон ҷаҳду талоши зиёд ба роҳ монда мешавад.
Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ба Маҷлиси Олии Ҷумҳурии Тоҷикистон 23 декабри соли 2022 арҷу эҳтиромро нисбат ба омӯзгор аз ҷумлаи масъалаҳои муҳим унвон карданд.
«Мо мактабро ба ҳайси боргоҳи илму дониш, саводу маърифат ва омӯзгорро чун шахси мафкурасозу тарбиятгари насли наврас эътироф карда, ба онҳо арҷу эҳтиром гузоштанро аз ҷумлаи масъалаҳои муҳимтарин медонем», — тазаккур доданд Сарвари давлат.
Зарангези ЛАТИФ,
АМИТ «Ховар»
АКС: Сарраёсати маорифи шаҳри Душанбе
Дар Истаравшан 38 синфхонаи иловагӣ бо фарогирии 2160 ҷойи нишаст ба истифода дода мешавад
ОЁ ДАР МУАССИСАҲОИ ТАҲСИЛОТИ МИЁНАИ УМУМӢ НОРАСОИИИ КАДРӢ МАВҶУД АСТ? Ин масъаларо дар Вазорати маориф ва илми Тоҷикистон шарҳ доданд
Дар арафаи соли нави таҳсил маҷаллаҳои «Омӯзгор ва замон» ва «Омӯзгори муосир» аз чоп баромаданд
ИЛМУ МАЪРИФАТ ИСТИҚЛОЛИ МИЛЛАТРО ҶОВИДОН ГАРДОНИДА, ОНРО ТАҲКИМ МЕБАХШАД. Назари президенти Академияи миллии илмҳои Тоҷикистон дар ин мавзуъ
ПАГОҲ СОЛИ НАВИ ТАҲСИЛ ОҒОЗ МЕЁБАД. Оё шуъбаҳои маорифи шаҳру ноҳияҳои ҷумҳурӣ бо китобҳои дарсӣ таъминанд?
Эмомалӣ Раҳмон: «Хонед, омӯзед, аз имкониятҳои фароҳамовардаи давлату Ҳукумат самаранок истифода баред. Ояндаи Тоҷикистон ва тақдири давлату миллат дар дасти шумост!».
126 довталаб аз Душанбе ба даври ниҳоии Озмуни ҷумҳуриявии «Фурӯғи субҳи доноӣ китоб аст» роҳхат гирифт
Дар корхонаи дӯзандагии «Ҷамолбӣ»-и ноҳияи Муъминобод барои 1100 хонанда либоси мактабӣ дӯхта шуд
СОЛИ НАВИ ХОНИШ. Имсол дар Тоҷикистон сохтмони 360 мактаб ва бинои иловагӣ дар назди муассисаҳои таҳсилоти умумӣ ба нақша гирифта шудааст
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон 3430 муассисаи нави таълимӣ сохта шудааст
33-СОЛАГИИ ИСТИҚЛОЛИЯТИ ДАВЛАТӢ. Танҳо дар як рӯз дар Душанбе 3 мактаб барои зиёда аз 7 ҳазор хонанда бо фарогирии 400 ҷойи нави корӣ ба истифода дода шуд
«ТАЪТИЛРО БОСАМАР ГУЗАРОНЕМ!». Ин озмун дар Рӯзи китоб ҷамъбаст мегардад
