Доир ба «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» ҳамоиш баргузор шуд
ДУШАНБЕ, 15.05.2023 /АМИТ «Ховар»/. 11 май дар Донишгоҳи давлатии Кӯлоб ба номи Абуабдуллоҳи Рӯдакӣ бо мақсади амалигардонии бандҳои дахлдори «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» бо нозирони бахши муқовимат бо коррупсияи шуъбаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои минтақаи Кӯлоб вохӯрӣ баргузор шуд. Дар ин хусус ба АМИТ «Ховар» дар донишгоҳ хабар доданд.
Дар вохӯрӣ дар мавзуи «Муқовимат ба коррупсия ҳамчун зуҳуроти номатлуб» гуфта шуд, ки коррупсия рушди ҷомеаи ҷаҳонӣ, болоравии иқтисодиёт ва некӯаҳволии иҷтимоиро бозмедорад, итминони шаҳрвандонро коста мегардонад, умедҳои ҷавононро ба оянда коҳиш медиҳад, табақаҳои ниёзманди аҳолиро аз расидан ба рӯзи нек маҳрум мекунад.
Гуфта шуд, ки Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои нахустини ба даст овардани Истиқлоли давлатӣ мубориза бо коррупсияро ҳамчун самти афзалиятноки сиёсати давлатӣ қарор дода, ба ташаккули заминаҳои ҳуқуқиву сохторӣ ва таҳкими ҳамкории байналмилалӣ дар ин самт оғоз намуданд.
Соли 1999 ба тавсиб расидани Фармони Президенти Ҷумҳурии Тоҷикистон «Дар бораи тадбирҳои иловагӣ оид ба пурзӯр намудани мубориза бар зидди ҷинояткорӣ дар соҳаи иқтисод ва коррупсия» яке аз тадбирҳои асосии ташаккули сиёсати давлатии зиддикоррупсионӣ дар ҷумҳурӣ ба ҳисоб меравад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
