ХУШ ОМАДӢ, ТОБИСТОН! Аз 12 июн дар Душанбе истироҳати тобистонаи хонандагони мактаб оғоз мегардад
ДУШАНБЕ, 25.05.2023. /АМИТ «Ховар»/. Аз 12 июн дар истироҳатгоҳҳои беруназшаҳрии «Орзу»-и ноҳияи Фирдавсӣ, «Шарора»-и ноҳияи И.Сомонӣ, «Гулхан»-и ноҳияи Сино ва «Зимчурӯд» -и ноҳияи Шоҳмансури пойтахт басти якуми истироҳати тобистонаи кӯдакону наврасони муассисаҳои таълимии шаҳри Душанбе оғоз гардида, 23 июн анҷом меёбад. Дар ин хусус ба АМИТ «Ховар» сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.
«Истироҳатгоҳҳои тобистонаи кӯдакон дар асоси қарори Раиси шаҳри Душанбе муҳтарам Рустами Эмомалӣ ройгон ташкил гардида, он дар чор баст бо фарогирии 10 ҳазору 352 нафар дар истироҳатгоҳҳои беруназшаҳрӣ ва 6160 нафар дар майдончаҳои солимгардонии назди муассисаҳои таълимӣ ба роҳ монда шуда, ҳар як баст 11 рӯз идома меёбад»,-гуфт Асомиддин Бобозода.
Ба гуфтаи ӯ, дар навбати аввал ба истироҳат кӯдакони ятиму бепарастор, дорои маъюбии дараҷаи сабук, ғолибони даврҳои ноҳиявӣ, шаҳрӣ ва ҷумҳуриявии озмунҳои «Тоҷикистон-Ватани азизи ман», «Фурўғи субҳи доноӣ китоб аст», «Илм-фурӯғи маърифат» ва «Хонандаи сол», инчунин ғолибони олимпиадаҳои фаннӣ дар истироҳатгоҳҳои беруназшаҳрӣ фаро гирифта мешаванд.
«Дар истироҳатгоҳҳо кӯдакону наврасон дар баробари истироҳати бофароғат ҳамзамон ба чорабиниҳои таълимию тарбиявӣ ва фарҳангӣ ҷалб мегарданд, ки дар баланд бардоштани сатҳи маънавиёти кӯдакону наврасон мусоидат менамоянд. Дар онҳо омӯзиши фанҳои дақиқ ва забонҳои русию англисӣ низ ба роҳ монда мешавад», -илова намуд мавсуф.
Иттилоъ дода шуд, ки роҳбарияти Сарраёсати маорифи шаҳри Душанбе ва Иттифоқи касабаи кормандони маорифи шаҳри Душанбе бо вазъи омодагии ин истироҳатгоҳҳо шинос шуда, маълум намуданд, ки корҳои таъмиру барқароркунӣ, безараргардонии биноҳо бо маводи дизенфиксионӣ, муҷаҳҳазгардонии биноҳо бо мизу курсӣ, катҳои хоб ва ҷиҳози мулоим идома дорад.
Инчунин дар онҳо таъмири майдончаҳои варзишӣ ва ҳавзҳои шиноварӣ, толори китобхонӣ, синфхонаҳои омўзишии забонҳои хориҷӣ ва компютерӣ, сабзазоркунию ниҳолшинонӣ, вазъи санитарию гигиении ошхонаҳо, риояи қоидаҳои бехатарӣ аз сўхтор роҳандозӣ гардида, дар ин самт корҳои омодагӣ идома дорад.
Зарангези ЛАТИФ,
АМИТ «Ховар»
АКС: АМИТ «Ховар»
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Амри Президенти Ҷумҳурии Тоҷикистон дар бораи баргузор кардани Озмуни ҷумҳуриявии «Илм-фурӯғи маърифат» дар соли 2025
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
