«ИСТЕҲСОЛИ ТОҶИКИСТОН». Таҳти ин тамға корхонаи «Субҳи Ватан»-и Исфара содироти меваи хушкро ба роҳ мондааст

Май 30, 2023 16:19

ДУШАНБЕ, 30.05.2023. /АМИТ «Ховар»/. ҶДММ «Субҳи Ватан»-и шаҳри Исфара дар мавсими имсола коркарди 30 тонна зардолуро анҷом додааст. Айни замон ҳамаи сехҳои корхона фаъол буда, дар он коркарди зардолу ва дигар меваҳои пешпаз бомаром идома дорад. Роҳбарияти корхона зардолуро, ки мавсими ҷамъоварии он оғоз гардидааст, ба ғайр аз боғдорони шаҳри Исфара, ҳамчунин аз деҳқонони шаҳри Конибодом дастрас менамоянд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

Дар ҶДММ «Субҳи Ватан» коркард ва банду басти меваи хушк низ ҷараён дошта, меваҳои хушки зардолу, себ, нок, тут, олу дар ҳаҷм ва дизайни хоса банду баст гардида, бо тамғаи «Истеҳсоли Тоҷикистон» ба мизоҷон пешкаш карда мешавад. То кунун аллакай 300 тонна меваи хушк коркард ва ба хориҷи мамлакат содирот карда шудааст.

Бояд гуфт, ки дар вилояти Суғд баробари пухта расидани меваҳои шаҳдбор фаъолияти корхонаҳои консервабарорӣ низ тавсеа ёфта, маҳсулот коркард, банду баст ва захираву ба фурӯш гузошта мешавад. ҶДММ «Субҳи Ватан»-и шаҳри Исфара яке аз корхонаҳои муваффақ дар ин самт буда, дар он 60 нафар фаъолият дорад.

Тибқи иттилои муассисон, дар корхона бо истифода аз имтиёзҳои мавҷуда 40 намуди маҳсулот истеҳсол гардида, ба хориҷи ҷумҳурӣ содирот карда мешавад. Соли гузашта ба Қазоқистон, Русия, Олмон ва Туркия ба маблағи 10 миллион сомонӣ маҳсулот фиристода шудааст.

Роҳбарияти корхона барои дар оянда боз ҳам васеъ намудани доираи фаъолият, зиёд намудани номгӯи маҳсулоти истеҳсолшаванда ва воридсозии дастгоҳу таҷҳизоти муосир тадбирҳои иловагӣ меандешанд.

АКС: Хадамоти матбуоти Раиси вилояти Суғд

Май 30, 2023 16:19

Хабарҳои дигари ин бахш

Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»