Маҳмадтоир Зокирзода дар кори ҷаласаи сайёри Шӯрои Ассамблеяи парлумонии Созмони Аҳдномаи амнияти дастҷамъӣ дар Минск иштирок намуд
ДУШАНБЕ, 19.05.2023. /АМИТ «Ховар»/. 18 май дар шаҳри Мински Ҷумҳурии Беларус ҷаласаи сайёри навбатии Шӯрои Ассамблеяи парлумонии Созмони Аҳдномаи амнияти дастҷамъӣ баргузор гардид, ки дар кори он ҳайати парлумонии Ҷумҳурии Тоҷикистон таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода иштирок намуд. Дар ин хусус ба АМИТ «Ховар» дар маркази матбуоти Маҷлиси намояндагон иттилоъ доданд.
Дар ҷараёни ҷаласаи Шӯро, ки таҳти раёсати Раиси Ассамблеяи парлумонии Созмони Аҳдномаи амнияти дастҷамъӣ Вячеслав Володин баргузор гардид, раисони парлумонҳои давлатҳои аъзои СААД доираи масъалаҳои мубрами амнияти байналмилалӣ ва минтақавиро муҳокима намуда, доир ба масоили ҷорие, ки дар рӯзномаи созмон дар марҳилаи муосир матраҳ гаштаанд, мубодилаи афкор намуданд.
Дар ҷаласаи Шӯрои Созмони Аҳдномаи амнияти дастҷамъӣ Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода иброз дошт, ки баргузории ин ҷаласа далели равшани ҳамкорӣ байни давлатҳои аъзои СААД аст, ки ғояи асосии он муттаҳидӣ ва якдилии ҳамаи давлатҳои аъзо мебошад.
Ӯ ҳамчунин иброз намуд, ки ҷаласаи имрӯза барои ҷамъбасти баъзе натиҷаҳо ва баррасии дурнамои рушди минбаъдаи Ассамблеяи парлумонии СААД имконияти хуб хоҳад буд.
«Тоҷикистон ба масъалаи таъмини амнияту субот дар чаҳорчӯби СААД таваҷҷуҳи доимӣ зоҳир менамояд. Ҳуҷҷати муҳиме, ки Созмони моро бо роҳи рушди худ пеш мебарад, Стратегияи амнияти дастҷамъии СААД барои давраи то соли 2025 мебошад, ки принсипҳои ҳамкории моро дар давраи миёнамуҳлат инъикос менамояд», — гуфт Раиси Маҷлиси намояндагони Тоҷикистон.
Ҳамзамон дар рӯзномаи ҷаласаи сайёри Шӯрои Ассамблеяи парлумонии Созмони Аҳдномаи амнияти дастҷамъӣ 14 масъалаи мубрами рӯз баррасӣ гардида, аз рӯи онҳо қарори дахлдор қабул гардид.
Дар кори ҷаласаи сайёри Шӯрои Ассамблеяи парлумонии Созмони Аҳдномаи амнияти дастҷамъӣ дар шаҳри Минск Сафири Мухтор ва Фавқулодаи Ҷумҳурии Тоҷикистон дар Ҷумҳурии Беларус Маҳмадшариф Ҳақдодзода ва намояндаи комилҳуқуқи Маҷлиси Олии Ҷумҳурии Тоҷикистон дар қароргоҳи Ассамблеяи байнипарлумонии ИДМ Бахтовар Сафарзода иштирок намуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Намояндаи Парлумони Тоҷикистон дар конфронси байналмилалии илмӣ-амалӣ дар Беларус иштирок намуд
Вакилони парлумони кишварҳои Иттиҳоди Давлатҳои Мустақил лоиҳаҳои қонунҳои намунавӣ дар соҳаи экологияро баррасӣ намуданд
Донишҷӯёни филиали Донишгоҳи давлатии Москва дар Душанбе бо фаъолияти Маҷлиси намояндагон аз наздик шинос шуданд
Дар иҷлосияи Маҷлиси намояндагон ба якчанд қонун тағйиру илова ворид карда шуд
Маҳмадтоир Зокирзода дар мулоқоти иштирокчиёни ҷаласаи Шӯрои Ассамблеяи парлумонии СААД бо Президенти Беларус иштирок намуд
Раиси Маҷлиси намояндагон Маҳмадтоир Зокирзода дар ҷаласаи махсуси Маҷлиси миллии Ҷумҳурии Озарбойҷон иштирок намуд
Ҷаласаи 10-уми Кумитаи ҳамкории байнипарлумонии Ҷумҳурии Тоҷикистон ва Иттиҳоди Аврупо баргузор гардид
Раиси Маҷлиси намояндагон Маҳмадтоир Зокирзода аз шаҳрҳои Боку ва Минск боздид менамояд
Намояндагони Парлумони Тоҷикистон дар ҷашни 50-умин солгарди Конститутсияи Покистон иштирок намуданд
Дар Душанбе оид ба беҳтар намудани имконияти таъмини маъюбон бо шуғл ҳамоиш доир шуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Туркманистон Сердар Бердимуҳамедов мулоқот намуданд
Раиси Маҷлиси намояндагон Маҳмадтоир Зокирзода бо Президенти Туркманистон Сердар Бердимуҳамедов мулоқот намуд
