Намояндаи Тоҷикистон дар иҷлосияи сатҳи баланд оид ба коҳиш додани хатари офатҳои табиӣ иштирок намуд
ДУШАНБЕ, 22.05.2023 /АМИТ «Ховар»/. Дар Маҷмаи Умумии Созмони Милали Муттаҳид /СММ/ иҷлосияи сатҳи баланд оид ба бозбинии миёнамуҳлати чаҳорчӯби Сендай оид ба коҳиши хатарҳои офатҳои табиӣ доир гардид, ки дар он Ҷумҳурии Тоҷикистонро раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода намояндагӣ намуд.
Тавре АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳуриии Тоҷикистон иттилоъ медиҳад, дар иҷлосия намояндагони воломақоми давлатҳои аъзои СММ, созмонҳои байналмилалӣ, роҳбарияти СММ ва дигар ҷонибҳои манфиатдор иштирок намуданд.
Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода дар иҷлосия зарурати татбиқи чаҳорчӯби Сендай ҷиҳати расидан ба ҳадафҳои рушди устувори Рӯзномаи 2030-ро таъкид намуда, роҷеъ ба тадбирҳои андешидаи Тоҷикистон дар татбиқи ин ҳуҷҷат, аз ҷумла таҳияи «Стратегияи миллии Тоҷикистон оид ба коҳиш додани хавфи офатҳои табиӣ барои солҳои 2022-2027» ибрози андеша намуд.
Иштирокдорони иҷлосия оид ба дастовардҳо дар татбиқи ҳадафу вазифаҳои чаҳорчӯби Сендай, инчунин мушкилию камбудиҳо дар роҳи амалӣ намудани он табодули афкор намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
Ҳамкории Тоҷикистон ва Беларус дар соҳаи иқтисоди рақамӣ ва технологияҳои иттилоотию коммуникатсионӣ тақвият меёбад
Дар Бишкек ҷаласаи ҳамоҳангсозон ва таҳлилгарони бонкҳои аъзои Иттиҳоди байнибонкии СҲШ баргузор гардид
Хуршед Мирзо ташаббусҳои Тоҷикистонро дар самти зеҳни сунъӣ дар ҷаласаи вазирони СҲШ муаррифӣ намуд
Дар Тоҷикистон намояндагии Барномаи Созмони Милали Муттаҳид оид ба муҳити зист ифтитоҳ меёбад
