Ҳайати Тоҷикистон дар ҷаласаи Шурои ҳамоҳангсозии роҳбарони мақомоти тафтиши андозии кишварҳои аъзои ИДМ иштирок намуд
ДУШАНБЕ, 24.09.2026 /АМИТ «Ховар»/. 23 сентябр дар шаҳри Тошканди Ҷумҳурии Узбекистон ҷаласаи XXV Шурои ҳамоҳангсозии роҳбарони мақомоти тафтиши андозии (молиявии) кишварҳои аъзои Иттиҳоди Давлатҳои Мустақил баргузор гардид. Дар кори он аз Тоҷикистон намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон иштирок намуданд. Дар ин хусус ба АМИТ «Ховар» аз ин агентӣ хабар доданд.
Зимни ҷаласа масъалаҳо оид ба фаъолияти мақомоти тафтиши андозии кишварҳои аъзои Иттиҳоди Давлатҳои Мустақил дар самти таъмини амнияти иқтисодӣ, таҳкими ҳамкории амалии мақомоти дахлдор, мубодилаи таҷриба ва андешаҳо оид ба роҳҳои самараноки муқовимат ба ҷиноятҳои иқтисодӣ ва дигар шаклҳои ҷинояткории дорои хусусияти фаромиллӣ, инчунин иҷрои қарорҳои қаблан қабулгардидаи Шуро баррасӣ гардиданд.
Яке аз масъалаҳои муҳими ҷаласа ба такмили механизмҳои муқовимат ба тасарруфи маблағҳои буҷетӣ, ошкор намудани тарҳҳои нави ҷиноятӣ ва амалӣ намудани усулҳои муосири тафтиши молиявӣ бахшида шуд.
Дар фарҷоми ҷаласа вобаста ба масъалаҳои баррасишуда қарорҳои дахлдор қабул карда шуданд.
Ҷаласаи XXV Шурои ҳамоҳангсозии роҳбарони мақомоти тафтиши андозии кишварҳои аъзои Иттиҳоди Давлатҳои Мустақил барои идомаи ҳамкории мақомоти дахлдори кишварҳои аъзои Иттиҳоди Давлатҳои Мустақил, таҳкими ҳамоҳангсозии фаъолияти муштарак, мубодилаи таҷриба ва истифодаи усулҳои муосир дар самти муқовимат ба ҷиноятҳои иқтисодӣ ва таъмини амнияти иқтисодӣ заминаи мусоид фароҳам овард.
Дар доираи ҷаласа инчунин вохӯрии ҳайати Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо роҳбарияти Департаменти мубориза бо ҷиноятҳои иқтисодии назди Прокуратураи генералии Ҷумҳурии Узбекистон баргузор гардид. Дар вохӯрӣ масъалаҳои ҳамкории дуҷониба дар самти мубориза бо ҷиноятҳои иқтисодӣ, тақвияти робитаҳои муштарак барои ошкор ва тафтиши пешакии ҷиноятҳои коррупсионӣ, табодули таҷрибаҳои муосир ва дигар масъалаҳои қобили диққати тарафҳо мавриди баррасӣ қарор гирифтанд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
