Олимон намудҳои нави моҳӣ ва ҳайвоноти баҳриро меҷӯянд
ДУШАНБЕ, 02.05.2023 /АМИТ «Ховар»/. «Барӯйхатгирии уқёнусҳо лоиҳае аст, ки дар он олимон аз тамоми ҷаҳон намудҳои нави моҳӣ ва ҳайвоноти баҳриро меҷӯянд. Муҳаққиқон кӯшиш мекунанд, ки ҳарчи тезтар кор кунанд, то моҳидории аз ҳад зиёд ва гармшавии глобалӣ ба марги тамоми намуди моҳиҳо оварда нарасонад. Тавре АМИТ «Ховар» иттилоъ додааст, дар ин хусус АБИ «Казинформ» бо истинод ба «Euronews.com» хабар медиҳад.
Гурӯҳи олимон ва муҳаққиқони саросари ҷаҳон вазифадор гардидаанд, ки дар тӯли даҳ соли оянда тақрибан 100 000 намуди ҳайвоноти баҳрии қаблан номаълумро пайдо кунанд, то моҳигирии аз ҳад зиёд ва гармшавии глобалӣ сабаби нобудшавии тамоми навъҳо нагардад.
Ба ин ташаббус «Барӯйхатгирии уқёнусҳо» ном гузоштаанд. Он аз ҷониби фонди «Nippon» — и Ҷопон ва институти тадқиқоти баҳрии «Nekton» -и Британия ташкил карда шудааст.
«Мо кӯшиш мекунем, ки аз вақт пеш гузарем. Гармшавии глобалӣ, оксигенро аз даст додани уқёнус, оксид шудани он ва дар натиҷа мо намудҳоро аз даст медиҳем. Агар ин раванд идома ёбад, мо бо нобудшавии бузург дар уқёнусҳо рӯбарӯ мешавем ва қисми зиёди «ниҳоли умр»-ро аз даст хоҳем дод,- мегӯяд директори илмии ташаббуси «Барӯйхатгирии уқёнусҳо» («Ocean Census») Алекс Роҷерс.
«Барӯйхатгирии уқёнусҳо» бузургтарин барномаи ҷустуҷӯии ҳаёти то ба имрӯз номаълуми баҳрӣ дар таърих хоҳад буд. Дар доираи он даҳҳо экспедитсия ташкил карда мешавад. Интизор меравад, ки лоиҳа ба шарикии илмӣ дар соҳаи уқёнус байни олимони тамоми ҷаҳон замина гузорад.
Азиза ИКРОМ,
АМИТ «Ховар»
АКС: «Еuronews»
Соҳибкорону сокинон дар корҳои ободонии ноҳияи Рӯдакӣ ба маблағи беш аз 21 миллион сомонӣ саҳм гузоштаанд
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
