ОЛИМПИАДАҲОИ ФАННӢ БАРОИ ХОНАНДАГОНИ СИНФҲОИ 5-6. Хонандагони вилояти Суғд сазовори 67 ҷойи ифтихорӣ шуданд
ДУШАНБЕ, 17.05.2023. /АМИТ «Ховар»/. Дар даври ҷумҳуриявии олимпиадаҳои фаннӣ барои хонандагони синфҳои 5-6 аз фанҳои табиӣ-риёзӣ хонандагони вилояти Суғд сазовори 67 ҷойи ифтихорӣ, аз ҷумла 5 медали нуқра ва 62 медали биринҷӣ шуданд. Хонандагони шаҳри Душанбе сазовори 58 ҷойи ифтихорӣ: 2 медали тилло, 17 медали нуқра ва 39 медали биринҷӣ гардиданд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Хонандагони вилояти Хатлон 34 ҷойи ифтихорӣ: 7 медали нуқра ва 27 медали биринҷӣ ба даст оварда, шаҳру ноҳияҳои тобеи ҷумҳурӣ сазовори 15 ҷойи ифтихорӣ: 3 медали нуқра ва 12 медали биринҷӣ гардиданд. Хонандагони Вилояти Мухтори Кӯҳистони Бадахшон 5 ҷойи ифтихорӣ: 1 медали тилло ва 4 медали биринҷиро соҳиб шуданд.
Ёдовар мешавем, ки даври ҷумҳуриявии олимпиадаҳои фаннӣ барои синфҳои 5-6 аз фанҳои табиӣ-риёзӣ (математика, биология, география ва технологияи иттилоотӣ) 13-14 май аз ҷониби Муассисаи давлатии «Маркази ҷумҳуриявии дарёфт ва рушди истеъдодҳо»-и назди Вазорати маориф ва илми Ҷумҳурии Тоҷикистон дар Муассисаи давлатии таълимии «Мактаби Президентӣ барои кӯдакони болаёқат» дар шаҳри Ҳисор доир шуд.
Дар олимпиадаҳои мазкур 726 хонандаи синфҳои 5-6-и муассисаҳои таҳсилоти умумии ҷумҳурӣ фаъолона иштирок намуд. Дар озмун 179 хонанда сазовори ҷойҳои ифтихорӣ (3 нафар соҳиби медали тилло, 32 нафар- медали нуқра ва 144 нафар соҳиби медали биринҷӣ) гардид.
Маросими ҷоизасупорӣ пас аз ҷамъбасти олимпиадаҳо барои хонандагони синфҳои дигар дар назар аст.
АКС: Маркази матбуоти Вазорати маориф ва илми Ҷумҳурии Тоҷикистон
Донишгоҳи байналмилалии забонҳои хориҷии Тоҷикистон ва Донишгоҳи давлатии омӯзгории Бошқирдистон шартномаи ҳамкорӣ ба имзо расониданд
ФАРЗАНДОНРО БА РОҲИ РОСТ ҲИДОЯТ НАМОЕМ! Имрӯз барои илму дониш омӯхтан ва соҳибкасб гардидани онҳо тамоми шароит муҳайё гардидааст
МАРОТИБАИ АВВАЛ. Байни тарбиягирандагони муассисаҳои таҳсилоти томактабии Душанбе озмуни забондонӣ идома дорад
Байни Донишгоҳи давлатии омӯзгории Тоҷикистон ва 7 донишгоҳи олии Узбекистон шартномаи ҳамкорӣ ба имзо расид
Дар Донишгоҳи давлатии ҳуқуқ, бизнес ва сиёсати Тоҷикистон ҳамоиши рушди робототехника доир шуд
БО КВОТАИ «ДУРАХШАНДАГОН»-МАШҲУР ДАР ҶАҲОН. Донишҷӯёни тоҷик бо таҳсили намунавӣ дар рейтинги аввал қарор доранд
Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд
Дар Ашт бинои нави Муассисаи таҳсилоти миёнаи умумии №25 ба истифода дода шуд
ҲАТМӢ ГАРДИДАНИ ЗИНАИ СЕЮМИ ТАҲСИЛ ДАР ТОҶИКИСТОН. Шарҳи АМИТ «Ховар» дар ин мавзуъ
