280 хизматчии ҳарбии Кумитаи ҳолатҳои фавқулода ва мудофиаи гражданӣ савганд ёд намуданд
ДУШАНБЕ, 09.06.2023. /АМИТ «Ховар»/. Дар қисмҳои ҳарбии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон чорабиниҳои тантанавии савгандёднамоии наваскарон ба охир расид. То 7 июни соли равон 280 хизматчии ҳарбии Кумитаи мазкур барои хизмати софдилонаву содиқона ба Ватан савганд ёд намуданд. Дар ин хусус АМИТ «Ховар» бо истинод ба ин Кумита хабар медиҳад.
7 июни соли равон дар қисмҳои ҳарбии Кумита, ки дар қаламрави ноҳияҳои Ҳамадонӣ, Вахш ва Бобоҷон Ғафуров ҷойгиранд, чорабинии тантанавии савгандёдкунии наваскарон баргузор шуд, ки дар он роҳбарияти Кумита иштирок намуд.
Наваскарон дар вазъияти тантанавӣ ба номи Ватан савганд ёд карданд. Онҳо қавл доданд, ки софдилона ва аз дилу ҷон ба сарзамини аҷдодӣ хидмат мекунанд ва ба иҷрои ҳар амру супориш барои дифоъ аз марзу бум ва таъмини амнияти давлат омода хоҳанд буд.
Сарбоз Низомиддин Салимҷонов иброз кард, ки «бароям лаҳзаи савганд ёд кардан басо ҳаяҷоновару хотирмон буд. Ман ҳамеша орзу доштам, ки хидмати ҳарбӣ кунам. Ин ҷо муддати ду ҳафта моро ба ҳама нозукиҳои хидмат ошно карданд, низомро омӯхтанд. Мақсад дорам, ки баъди анҷоми хидмати дусола сарнавишти худро ба кори ҳарбӣ пайвандам ва бовар дорам аз уҳдаи ин кор мебароям».
Баъди анҷоми маросими савгандёдкунӣ фармондеҳон, волидоне, ки дар ин чорабинӣ ҳузур доштанд, собиқадорон ва намояндагони дигар ниҳодҳои марбута оид ба иҷрои қарзи фарзандӣ-хизфи Ватан-Модар ибрози андеша намуда, ба наваскарон барои иҷрои сарбаландонаи вазифаҳои сарбозӣ комёбиҳо орзу намуданд.
Ҳамаи ин маросимҳои тантанавӣ бо сафороии ҳарбӣ ва гузашти низомӣ ба анҷом расиданд.
АКС: Кумитаи ҳоалтҳои фавқулодда ва мудофиаи граждании назди Ҳукумати Ҷумҳурии Тоҷикистон
Дар Суғд маросими тантанавии гусели даъватшавандагон ба хизмати ҳарбӣ доир шуд
Ҷавонони ватандӯсту шуҷои ноҳияи Деваштич ба хизмати ҳарбӣ равона гардиданд
Дар ноҳияи Мастчоҳ аввалин гурӯҳи ҷавонони синни даъватиро ба хизмат гусел намуданд
ХИЗМАТ БА ВАТАН ШАРАФ ВА ҶАСОРАТ АСТ! Ҷавонони ноҳияи Ҷаббор Расулов бо ҳисси баланди ватандӯстӣ ба хизмати ҳарбӣ рафтанд
Ноҳияи Исмоили Сомонии шаҳри Душанбе нақшаи даъвати баҳории ҷавононро ба сафи Қувваҳои Мусаллаҳ иҷро намуд
«МАРЗУ БУМИ ВАТАНРО СОДИҚОНА ҲИФЗ МЕНАМОЕМ!». Ҷавонони Файзобод бо дуои неки волидон ба хизмат дар сафи Қувваҳои Мусаллаҳи Тоҷикистон рафтанд
«ХИЗМАТ БА ВАТАН ҚАРЗИ ФАРЗАНДИИ МОСТ!». Ҷавонони шаҳри Ҳисор ба таври ихтиёрӣ ба комиссариати ҳарбӣ ҳозир шуданд
БАРОИ ВАТАН ҶОН ФИДО МЕКУНЕМ! Дар Бӯстон Рӯзи даъватшаванда баргузор гардид
Ҷавонони шаҳри Турсунзода бо дуои неки модарон ба сафи Артиши миллӣ пайвастанд
Нақшаи даъвати баҳории шаҳрвандони Тоҷикистон ба сафи Артиши миллӣ беш аз 54 фоиз иҷро гардид
Ноҳияи Муъминобод нақшаи даъвати баҳориро дар рӯзи якум пурра иҷро намуд
Дар шаҳри Норак нақшаи даъвати баҳорӣ иҷро гардид
