Ҳайати Тоҷикистон дар ҷаласаи 54-уми Шӯрои байнидавлатӣ оид ба сиёсати зиддиинҳисории Иттиҳоди Давлатҳои Мустақил дар шаҳри Санкт-Петербург иштирок намуд
ДУШАНБЕ, 12.06.2023 /АМИТ «Ховар»/. 8-9 июн дар шаҳри Санкт- Петербурги Федератсияи Русия ҷаласаи 54-уми Шӯрои байнидавлатӣ оид ба сиёсати зиддиинҳисорӣ ва ҷаласаи 40-уми Ситод оид ба тафтишоти муштараки вайронкунии қонунгузории зиддиинҳисории кишварҳои иштирокии Иттиҳоди Давлатҳои Мустақил баргузор гардид, ки дар онҳо сардори Хадамоти зиддиинҳисории назди Ҳукумати Ҷумҳурии Тоҷикистон Абдулмаҷид Муъминзод иштирок ва суханронӣ намуд.
Тавре дар Хадамоти зиддиинҳисории назди Ҳукумати Ҷумҳурии Тоҷикистон ба АМИТ «Ховар» иттилоъ доданд, дар ҷаласаҳои мазкур масъалаҳои вобаста ба чорабиниҳои асосие, ки дар доираи Иттиҳоди Давлатҳои Мустақил гузаронида мешаванд, баррасӣ карда карда шуд.
Ҳамчунин иштирокчиён масъалаҳои баланд бардоштани самаранокии фаъолияти мақомоти зиддиинҳисорӣ тавассути ташкили ҳамкории дохилидоравӣ ва риояи зиддиинҳисорӣ, тариқи суд рӯёндани товони зараре, ки аз картел (созиш) ва созишномаҳои дигари маҳдудкунандаи рақобат ба давлат расонида шудааст, натиҷаҳои ҷаласаи васеи Шӯрои ҳамоҳангсоз оид ба реклама, ҳамкории Шӯрои байнидавлатӣ оид ба сиёсати зиддиинҳисорӣ ва коршиносони зиддиинҳисории Иттиҳоди Авруосиё, дар бораи тасдиқи принсипҳо ва стандартҳои намунавии ҳамкории байни бозорҳои рақамии хусусии Иттиҳоди Давлатҳои Мустақил ва дигар масъалаҳоро мавриди муҳокима қарор доданд.
Дар ҳошияи ҷаласаи 54-уми Шӯрои байнидавлатӣ оид ба сиёсати зиддиинҳисорӣ сардори Хадамоти зиддиинҳисории назди Ҳукумати Ҷумҳурии Тоҷикистон Абдулмаҷид Муминзод ва роҳбари Хадамоти федералии зиддиинҳисории Русия Максим Шасколский вазъ ва дурнамои ҳамкории танзимгарони зиддиинҳисории ҳарду давлатро баррасӣ намуданд.
Таъкид гардид, ки мақомоти рақобатии Тоҷикистон ва Русия ҳам дар шакли дуҷониба ва ҳам дар доираи Шӯрои байнидавлатӣ оид ба сиёсати зиддиинҳисорӣ фаъолона ҳамкорӣ менамоянд.
Тазаккур дода шуд, ки мақомоти зиддиинҳисории Русия дорои таҷрибаи васеи танзими зиддиинҳисории бозорҳои молӣ ва мубориза бо таҷрибаҳои зиддиконкурентӣ мебошад.
Хадамоти Федералии зиддиинҳисории Русия омода аст, ки таҷриба ва амалияи ҳуқуқии худро дар бозорҳои иҷтимоӣ ва рақамӣ, таҷрибаи мубориза бо картелҳо, аз ҷумла дар доираи чорабиниҳои омӯзишӣ ва таҷрибаомӯзӣ бо мақсади баланд бардоштани ихтисоси кормандон мубодила намояд.
Инчунин имкони баргузории семинарҳои омӯзишӣ барои ҷониби Тоҷикистон дар соҳаҳои гуногуни бозор, аз ҷумла дар шакли онлайн баррасӣ карда шуд.
Дар анҷоми мулоқот ҷонибҳо сатҳи баланди ҳамкории мутақобилан судмандро байни идораҳои рақобатпазири ҳарду давлат таъкид намуданд.
АКС: Хадамоти зиддиинҳисории назди Ҳукумати Ҷумҳурии Тоҷикистон
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
