Дабири кулли СММ ба идоракунии самараноки коинот даъват намуд
ДУШАНБЕ, 01.06.2023 /АМИТ «Ховар»/. Идоракунии самарабахши фазои кайҳон барои манфиати тамоми инсоният зарур аст. Тавре АМИТ «Ховар» бо истинод ба агентии иттилоотии «Синхуа» хабар медиҳад, дар ин хусус Дабири кулли СММ Антониу Гутерриш дар муқаддимаи ёддошти таҳлилии «Барои тамоми инсоният – ояндаи идоракунии кайҳон», ки рӯзи чоршанбе нашр шуд, изҳор доштааст.
«Манфиати умумии мо ба ҳифзи фазои кайҳон, сарвати башарият, ки ба ҳамаи мо манфиат оварда, ҷавобҳои уҳдабароёна ва бисёрҷонибаи идоракунӣ талаб менамояд, марбут аст», — таъкид намуд ӯ.
Тибқи ҳисобот, тайи 10 соли охир дастрасии инсоният ба фазои кайҳон ва фаъолият дар он ба таври куллӣ тағйир ёфтааст, омилҳои мутаҳаррике, ки дар асоси чунин тағйирот қарор доранд, даҳсолаҳои оянда, эҳтимол, афзоиш ёбанд.
Ба сифати далели тағйироти бесобиқа се нишондиҳанда ном бурда мешавад: шумораи ҷисмҳои кайҳонии ба фазо бароварда, иштироки бахши хусусӣ ва уҳдадориҳои субъектҳои давлатӣ ва хусусӣ ҷиҳати баргаштан ба кайҳони дур ва таъмини ҳузури дарозмуддат дар он.
Тағйироти табаддулотӣ дар баробари доштани имконият ҳамчунин хатар доранд. Муаллифон зарурати рушди минбаъдаи соҳаи идоракуниро барои суръатбахшии устувори инноватсия ва кашфиёт, инчунин ноил шудан ба Ҳадафҳои рушди устувор таъкид намуданд.
Дар ҳуҷҷат тавсияҳои Котиби генералии СММ оид ба истифодаи иқтидори фазои кайҳон оварда шудааст. Аз ҷумла, ӯ аз Кумитаи СММ оид ба истифодаи фазои кайҳон даъват намудааст, ки бо мақсади осоишта режими ягонаи устувории кайҳонро таҳия намояд.
Илова бар ин, кумита метавонад эҳтимоли таҳияи сохторҳои нави идоракуниро барои соҳаҳои гуногуни устувории кайҳон, аз қабили идоракунии ҳаракати кайҳон, бартараф кардани партовҳои кайҳонӣ ва кор бо захираҳои кайҳонӣ баррасӣ намояд.
«Мо масъулияти муштаракро барои риояи пурраи ҳуқуқҳои мавҷудаи байналмилалии кайҳонӣ ва идоракунии босамарро ҷиҳати пешбурди инноватсия ва коҳиш додани хатарҳо бар дӯш дорем», — таъкид менамоянд муаллифони ёддошти таҳлилӣ.
Азиза ИКРОМ,
АМИТ «Ховар»
АКС аз манбаъҳои боз
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
