Дар Боку ҳамкории Тоҷикистон ва Озарбойҷон дар соҳаи саноат ва сармоягузорӣ баррасӣ шуд
ДУШАНБЕ, 17.06.2023 /АМИТ«Ховар»/. Вазъи кунунӣ ва дурнамои рушди ҳамкории Тоҷикистон ва Озарбойҷон дар соҳаҳои афзалиятноки тиҷорату иқтисод, сармоягузорӣ, саноат, истихроҷ ва коркарди маъдан, алюминий ва нафт дар мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо Вазири иқтисоди Ҷумҳурии Озарбойҷон Микаил Ҷабаров дар шаҳри Боку баррасӣ гардид.
Ба АМИТ «Ховар» дар Вазорати саноат ва технодлогияҳои нави мамлакат иттилоъ доданд, ки ҷонибҳо самтҳои мушаххаси амалӣ гардонидани тавофуқҳои ҳосилгардидаро муайян карданд.
Ҳайати Тоҷикистон ҳамзамон бо фаъолияти Парки саноатии кимиёи Сумгаит шинос шуд.
Ёдовар мешавем, ки дар Боку Вазири саноат ва технологияҳои нави Ҷумҳурии Тоҷикистон Шералӣ Кабир ҳамчунин бо раиси Раёсати Агентии рушди минтақаҳои иқтисодии Озарбойҷон Элшод Нуриев мулоқот намуд
Зимни вохӯрӣ раиси Агентии рушди минтақаҳои иқтисодии Озарбойҷон ба ҷониби Тоҷикистон дар бораи паркҳо ва минтақаҳои саноатӣ, ки дар Озарбойҷон фаъолият доранд, инчунин оид ба имтиёзҳое, ки барои соҳибкорон фароҳам оварда шудааст, маълумоти муфассал дод.
Ҳайати Тоҷикистон ҳамзамон бо фаъолияти паркҳои саноатӣ, аз ҷумла маҳсулоти Парки саноати кимиёи Сумгаит ва раванди истеҳсоли корхонаи қубурҳои пӯлодӣ «Азертехнолайн» шинос шуд. Иброз гардид, ки Тоҷикистон ба ҳамкории мутақобилан судманд бо Озарбойҷон таваҷҷуҳи хоса зоҳир намуда, барои густариши ҳамкорӣ дар бахши саноат аз ҳисоби коркарди маҳсулоти кишоварзӣ имкониятҳои зиёд дорад.
АКС: Вазорати саноат ва технологияҳои нави Ҷумҳурии Тоҷикистон
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд
