Дар Ню-Йорк таҷрибаи Тоҷикистон оид ба баргардонидани шаҳрвандон аз минтақаҳои ҷангзада баррасӣ гардид
ДУШАНБЕ, 23.06.2023 /АМИТ «Ховар»/. 21 июн дар қароргоҳи Созмони Милали Муттаҳид (СММ) дар шаҳри Ню-Йорк дар доираи Сеюмин ҳафтаи зиддитеррористии Созмони Милали Муттаҳид чорабинии канории муштараки Ҷумҳурии Тоҷикистон бо дигар кишварҳо ва Дафтари зиддитеррористии СММ таҳти унвони «Баррасии мушкилоти ҷангиён ва оилаҳои аз минтақаҳои низоъ баргардонидашуда» баргузор гардид. Дар ин хусус АМИТ «Ховар» бо истинод ба Намояндагии доимии Ҷумҳурии Тоҷикистон дар Созмони Милали Муттаҳид хабар медиҳад.
Зимни чорабинии канорӣ мубоҳисаи ҳамаҷониба оид ба мушкилот, густариши ҳамкорӣ ва ҷалби ҷонибҳои манфиатдор ба раванди баргардонидани шаҳрвандон аз минтақаҳои доғдор дар Ховари Миёна доир гардид.
Ҳайати Тоҷикистон дар ин чорабинӣ иштирок намуда, оид ба таҷрибаи мамлакат дар баргардонидани шаҳрвандони Тоҷикистон, махсусан занону кўдакон аз минтақаҳои ҷангзадаи Ироқу Сурия маълумоти муфассал доданд.
Таъкид гардид, ки тибқи дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шуруъ аз соли 2019 то ба имрӯз Тоҷикистон тақрибан 300 нафар аз шаҳрвандони худро аз кишварҳои Сурия ва Ироқ баргардонидааст.
Инчнунин ба ҳозирин дар бораи таҷрибаи Тоҷикистон дар мавриди кор бо баргардонидашудаҳо, офиятбахшӣ ва ба ҳаёти осоишта ворид сохтани онҳо маълумот дода шуд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Дар шаҳри Истанбул имконоти сармоягузории Тоҷикистон муаррифӣ гардид
Сироҷиддин Муҳриддин дар вохӯрии шашуми вазирони корҳои хориҷии қолаби «Осиёи Марказӣ — Чин» иштирок намуд
Ҳамкории Тоҷикистон бо Комиссияи иқтисодию иҷтимоии СММ барои Осиё ва Уқёнуси Ором баррасӣ гардид
Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард
Президенти Пажуҳишгоҳи оби Туркия ба Конфронси байналмилалии сатҳи баланд оид ба ҳифзи пиряхҳо даъват шуд
Дар Алмато мулоқоти вазирони корҳои хориҷии Тоҷикистон ва Чин баргузор шуд
Директори генералии Созмони озуқаворӣ ва кишоварзии Созмони Милали Муттаҳид ба Тоҷикистон меояд
Сафири Тоҷикистон бо Ректори Донишгоҳи илмию технологии Амороти Муттаҳидаи Араб мулоқот намуд
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Имконоти сайёҳии Тоҷикистон дар Ҷумҳурии Корея муаррифӣ карда шуд
Тоҷикистон ва Арабистони Саудӣ оид ба омода намудани дипломатҳои ҷавон санад ба имзо расониданд
Сафири Тоҷикистон ба Подшоҳи Баҳрайн эътимодномаи худро супорид
