Дар шаҳри Сиани Чин «Маркази омӯзиши Тоҷикистон» таъсис меёбад
ДУШАНБЕ, 14.06.2023. /АМИТ «Ховар»/. 10 июн дар шаҳри Сиани Ҷумҳурии Мардуми Чин муовини директори Маркази тадқиқоти стратегии назди Президенти Ҷумҳурии Тоҷикистон Парвиз Муҳаммадзода бо директори Институти тадқиқоти Роҳи Абрешим ва Иститути Осиёи Марказии Донишгоҳи шимолу ғарбии Чин Лу Шанбин вохӯрӣ намуд, ки зимни он оид ба таъсиси «Маркази омӯзиши Тоҷикистон» дар шаҳри Сиани Чин иттилоъ дода шуд.
Тавре дар Маркази тадқиқоти стратегӣ ба АМИТ «Ховар» хабар доданд, дар вохӯрӣ ҳамзамон масоили ҳамкории илмӣ байни марказҳои болозикр мавриди баррасӣ қарор дода шуд.
Парвиз Муҳаммадзода дар ин ҳамоиш вазъи кунунии минтақа ва ҷаҳонро мавриди таҳлил қарор дода, онро хеле ҳассос ва мураккаб арзёбӣ намуд.
Номбурда иброз дошт, ки дар чунин раванди мураккаб нақши марказҳои таҳлилӣ дар муайяннамоӣ ва шинохти хавфу хатарҳо, пешбинии равандҳо ва мусоидат дар қабули қарорҳои дахлдор ниҳоят муҳим аст. Бинобар ин, таҳкими равобити илмӣ- таҳлилӣ байни ин ду ниҳоди зеҳнӣ саривақтӣ мебошад. Илова бар ин, мақом ва нақши калидии Ҷумҳурии Тоҷикистонро зери роҳбарии Пешвои миллат муҳтарам Эмомалӣ Раҳмон дар ҳалли мушкилоти Осиёи Марказӣ ва пешрафти ҳамкории Чин бо давлатҳои минтақаро муҳим арзёбӣ намуд.
Лу Шанбин низ ба таҷрибаи ғании давлатдорию роҳбарӣ, мақом ва саҳми Президенти Ҷумҳурии Тоҷикистон муҳтарам Эмомалӣ Раҳмон ҳамчун сарварии сиёсии муваффақ дар пешбурди дурнамои ҳамкории фарогири Тоҷикистон бо Ҷумҳурии Мардуми Чин баҳои баланд дода, маҳз бо дарназардошти ҷойгоҳи махсуси Тоҷикистон ва нақши Пешвои миллат дар минтақа, изҳор дошт, ки дар назди Донишгоҳи шимолу ғарбии шаҳри Сиани Чин «Маркази омӯзиши Тоҷикистон»-ро ифтитоҳ менамояд.
Ҷонибҳо иброз доштанд, ки «Маркази омӯзиши Тоҷикистон» барои муаррифии фарогири таъриху фарҳанги миллати тоҷик ва нақши калидии Тоҷикистон дар минтақа ва умуман шинохти мусбати Ҷумҳурии Тоҷикистон дар шаҳри Сиан ва дигар шаҳрҳои Ҷумҳурии Мардумии Чин нақши муҳим хоҳад гузошт.
АКС: Хадамоти матбуотии Маркази тадқиқоти стратегии назди Президенти Ҷумҳурии Тоҷикистон
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
Сарвазири Тоҷикистон бо директори минтақавии Бонки ҷаҳонӣ дар Осиёи Марказӣ мулоқот намуд
Дар вилояти Чунчонбукдои Корея густариши ҳамкорӣ ва муаррифии имкониятҳои Тоҷикистон баррасӣ гардид
Ҳайати Тоҷикистон дар ҷаласаи 73-юми Конфронси оморчиёни аврупоии Комиссияи иқтисодии СММ барои Аврупо иштирок намуд
