Дар зарфи 6 моҳ дар Тоҷикистон 56 нафар ғарқ шуданд
ДУШАНБЕ, 13.06.2023 /АМИТ «Ховар»/. Дар иншооти обии Тоҷикистон то 12 июни соли равон 56 нафар ғарқ шудаанд, ки 33 нафари онҳоро ноболиғон ташкил медиҳанд. Аз ҷониби кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон 15 нафар наҷот дода шуд, хабар медиҳад АМИТ «Ховар» бо истинод ба маркази матбуоти Кумитаи мазкур.
Тибқи иттилои манбаъ, давоми 6 моҳи соли 2022 дар обанборҳои ҷумҳурӣ 84 нафар, аз ҷумла 38 кӯдаки то 16-сола ҳалок шудаанд.
Кумитаи ҳолатҳои фавқуллода ва мудофиаи гражданӣ чунин тавсия медиҳад:
— фарзандони худро шиноварӣ омӯзед ва чун дар соҳили обҳо қарор доред, онҳоро беназорат нагузоред;
— дар маконҳои ношинос оббозӣ накунед;
— дар ҷойҳое, ки нишонаҳои огоҳкунандаи мамнуъ будани оббозӣ овезон карда шудаанд, оббозӣ накунед;
— дар ҳолати мастӣ вориди об нашавед;
— пеш аз он ки вориди об шавед, ба худ ва фарзандонатон камзӯлҳои шиноварӣ пӯшонед. Агар ин гуна имкон надоред, пас талош кунед, дар ҷойҳое оббозӣ кунед, ки бехатар бошанд;
— дар дохили об бозӣ накунед, бахусус аз амалҳое ба мисли дасту пои ҳамдигарро доштану кашидан худдорӣ намоед.
Азиза ИКРОМ,
АМИТ «Ховар»
АКС аз манбаъҳои боз
«МЕҲРИ МОДАР». Таҳти ин унвон бахшида ба Рӯзи Қувваҳои Мусаллаҳи Тоҷикистон иқдом баргузор гардид
Имрӯз дар шаҳри Душанбе ҳаво 12 дараҷа гарм мешавад
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
