Пагоҳ дар Душанбе нахустин Чемпионати Осиё оид ба «Гӯштингирӣ» баргузор мегардад

Июнь 26, 2023 16:14

ДУШАНБЕ, 26.06.2023 /АМИТ «Ховар»/. Пагоҳ, 27 июн дар шаҳри Душанбе нахустин Чемпионати Осиё оид ба «Гӯштингирӣ» баргузор мегардад, хабар медиҳад АМИТ «Ховар».

Чемпионат дар Қасри теннис ва маҷмааи варзишҳои обии пойтахти Тоҷикистон доир мешавад.

Тавре котиби генералии Федератсияи байналмилалии гӯштингирӣ Абдулло Саидхоҷаев хабар дод, дар Чемпионат иштироки беш аз 130 варзишгар, мураббӣ ва меҳмон аз 30 давлати ҷаҳон  пешбинӣ шудааст. Тоҷикистонро дар ин мусобиқа 20 варзишгар муаррифӣ менамоянд, ки ду нафарашон занон мебошанд.

Фонди умумии ҷоизаҳо 80 ҳазор доллари амрикоиро ташкил медиҳад.

«Туҳфаҳои молӣ аз номи Раиси шаҳри Душанбе муҳтарам Рустами Эмомалӣ муайян шудаанд. Барои ҷои аввал 5 000 доллар, ҷои дуюм 3 000 доллар ва ду ҷои сеюм 1 500 доллар муқаррар гардидааст. Мусобиқа аз рӯи 6 вазн баргузор мешавад. Дар панҷ вазн мардон ва дар як вазн занон қувваозмоӣ хоҳанд намуд. Инчунин маблағи алоҳида барои ҷомҳои даставӣ муайян гардида, барои ҷои якум 1500 доллар, ҷои дуюм 1000 доллар ва ҷои сеюм 500 доллар ҷудо карда шудааст»,- илова намуд Абдулло Саидхӯҷаев.

Таҳти ҳидояту дастгириҳои ҳамешагии варзишпарваронаи Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами  Эмомалӣ  бозиҳои миллии варзишӣ, бахусус гӯштини миллӣ — гӯштингирӣ аз нав эҳё шуда, рушд менамояд.

Бояд таъкид намуд, ки ин чорабинӣ омодагӣ барои баргузории Чемпионати ҷаҳон оид ба гӯштингирӣ мебошад, ки тибқи Тақвими байналмилалӣ доиршавии он моҳи сентябри соли 2023 пешбинӣ гардидааст.

Ёдовар мешавем, ки моҳи декабри соли 2022 гӯштини миллӣ (гӯштингирӣ) мақоми байналмилалӣ гирифт. Ин дараҷаи байналмилалӣ дар Вазорати адлияи Швейтсария ба қайд гирифта шуда, гӯштини миллӣ соҳиби сертификати байналмилалӣ гардид.

АКС: АМИТ «Ховар»

Июнь 26, 2023 16:14

Хабарҳои дигари ин бахш

Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд