Тоҷикистон ва Қатар ҳамкориро дар соҳаи ҳифзи муҳити зист, хусусан парвариши лочин густариш медиҳанд

Июнь 9, 2023 10:40

ДУШАНБЕ, 09.06.2023 /АМИТ «Ховар»/. Дар доираи сафари давлатии Амири Давлати Қатар Шайх Тамим ибни Ҳамад Олӣ Сонӣ ба Ҷумҳурии Тоҷикистон дар Душанбе Ёддошти тафоҳум байни Ҳукумати Ҷумҳурии Тоҷикистон ва Ҳукумати Давлати Қатар дар соҳаи ҳифзи ҳайвоноти ваҳшии зери хатари нобудшавӣ қарордошта ва муҳити табиии онҳо ба имзо расид. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.

Санади мазкур ҳамкории ду давлатро дар соҳаи ҳифзи муҳити зист, аз ҷумла муҳофизати ҳайвоноти ваҳшӣ ва растаниҳои зери хатари нобудшавӣ қарордошта, ҳифзи муҳити зист, парвариши лочин, мубодилаи стратегия ва таҷриба дар соҳаи қонунгузории экологии вобаста ба шикори танзимшаванда ва назорати меъёрҳои онҳоро густариш медиҳад.

Бояд тазаккур дод, ки дар доираи сафари давлатии Амири Давлати Қатар ба Ҷумҳурии Тоҷикистон дар маҷмӯъ 15 санади нави ҳамкорӣ дар соҳаҳои гуногун ба имзо расонида шуд, ки онҳо дар тақвияти ҳамкории Тоҷикистону Қатар нақши муассир хоҳанд гузошт.

Ёдовар мешавем, ки лочин (Falco peregrinus), паррандаи соҳибчанголест (аз оилаи Falconidae), ки дарозии танаш 40—50 см ва вазнаш 500—1000 граммро ташкил медиҳад.

Дар Тоҷикистон ин парандаро дар қаторакӯҳҳои Ҳисор, Боботоғ, Оқтоғ ва ноҳияҳои ба онҳо ҳамшафат вохӯрдан мумкин аст.

Лочин дар Осиёи Миёна аз замонҳои қадим чун парандаи шикорӣ ром карда мешавад. Бо ёрии ин паранда аҳолии маҳаллӣ кабк, рӯбоҳ, харгӯш, кафтар ва дигар ҳайвонҳоро шикор мекунанд. Лочин парандаи нодир аст. Вай ба «Китоби сурхи ҳайвонҳои нодир ва нестшаванда»-и байналхалқӣ дохил карда шудааст.

АКС: Хадамоти матбуоти Президенти Ҷумҳурии Тоҷикистон/АМИТ «Ховар»

Июнь 9, 2023 10:40

Хабарҳои дигари ин бахш

Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
Форуми соҳибкорони Тоҷикистон ва Амороти Муттаҳидаи Араб баргузор мегардад
Дар Суғд оид ба муаррифии имконоти сармоягузории минтақа форуми тиҷоратӣ баргузор шуд
Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид