Дар Ҷамоати деҳоти 10-солагии Истиқлолияти шаҳри Турсунзода корҳои таъмиру асфалтпӯш намудани роҳҳои байнидеҳавӣ идома дорад
ДУШАНБЕ, 18.07.2023 /АМИТ «Ховар»/. Бо дастгирии Мақомоти иҷроияи ҳокимияти давлатии шаҳри Турсунзода асфалтпӯшкунии роҳҳои байнидеҳавӣ дар байни сокинони деҳоти шаҳри Турсунзода ба ҳукми анъана даромадааст.
Тавре ба АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд, бахусус сокинони Ҷамоати деҳоти 10-солагии Истиқлолият дар ин самт пешсаф мебошанд. Аз оғози имсол дар ҳудуди ин деҳот зиёда аз 15 км роҳи байнидеҳавӣ бо сифати баланд асфалтпӯш гардидааст.
Сокинони деҳаи Хуррамзамин, Пайканд 1, Пайканд 2 ва Нуристон имрӯзҳо пайи мумфаршкунии зиёда аз 5,2 км роҳи байнидеҳавӣ қарор дошта, дар ин кор саҳми соҳибкорон, хоҷагиҳои деҳқонӣ ва шахсони хайрхоҳу саховатпеша назаррас аст.
Сокини деҳаи Хуррамзамини деҳоти 10-солагии Истиқлолият Ҳоҷӣ Муродалӣ Ғафуров дар якҷоягӣ бо фарзандонаш 150 ҳазор сомонии барои сафари Ҳаҷ захира намудаашро барои ин кори хайр сарф намуд, ки намунаи ибрат барои дигарон мебошад.
Бояд таъкид намуд, ки ин иқдоми сокинони деҳоти 10-солагии Истиқлолият барои ҳар фарди ватандӯсту худогоҳ ва сокинони дигар деҳаҳое, ки роҳҳои вайрону валангор доранд, шоистаи пайгирӣ аст.
АКС: Мақомоти иҷроияи ҳокимияти давлатии шаҳри Турсунзода
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
