Дар Кӯшониён омодагии қувваю воситаҳои қисми мудофиаи ҳудудӣ ва захираи сафарбарӣ санҷида шуд

ДУШАНБЕ, 20.07.2023. /АМИТ «Ховар»/. Имрӯз, 20 июл дар ноҳияи Кӯшониёни вилояти Хатлон омодагии қувваю воситаҳои қисми мудофиаи ҳудудӣ ва захираи сафарбарӣ барои пуррагардонии қисмҳои низомӣ, ҷузъу томҳои Қувваҳои мусаллаҳ бо ҷалби беш аз 6320 нафар шаҳрвандони дар эҳтиётбудаи ноҳия ва нақлиёти гуногун баргузор гардид. Дар ин хусус АМИТ «Ховар» бо истинод ба Дафтари матбуоти раиси ноҳияи Кӯшониён хабар медиҳад.

Мақсад аз баргузории ин чорабинии муҳим- омодабошии шаҳрвандон ҳангоми мудофиаи ҳудудӣ арзёбӣ гардид.

Иброз карда шуд, ки таъмини волоияти қонун, риояи ҳатмии он ва интизоми хубу намунавии шаҳрвандони дар эҳтиёт қарордошта бори дигар собит месозад, ки шаҳрвандони ноҳияи Кӯшониён баҳри ҳифзи музаффарияти истиқлолият, пойдории сулҳу Ваҳдати миллӣ, арзишҳои муқаддаси миллӣ, марзу бум ва осоиштагии мардуми мамлакат, инчунин содиқ будан ба савганди ҳарбӣ ҳамеша омода мебошанд.

АКС: Дафтари матбуоти Раиси ноҳияи Кӯшониён