Дар Тоҷикистон беш аз 1,7 миллион дона либоси мактабӣ истеҳсол гардидааст
ДУШАНБЕ, 23.07.2023 /АМИТ «Ховар»/. Корхонаҳои саноатӣ ва соҳибкорони инфиродии мамлакат имсол ба маблағи 46 миллиону 253 ҳазор сомонӣ либоси мактабӣ истеҳсол намудаанд, ки нисбат ба ҳамин давраи соли гузашта аз рӯи миқдор 22,7 фоиз ё 317706 дона коҳиш ёфта, аз рӯи арзиш 20,8 фоиз ё 7,1 миллион сомонӣ кам мебошад. Соли гузашта корхонаҳои саноатии мамлакат ба маблағи 129 миллион сомонӣ либоси мактабӣ истеҳсол намуда буданд . Ҳамин тариқ, дар давраи ҳисоботӣ дар ҷумҳурӣ сатҳи таъмини хонандагон бо либоси мактабии истеҳсоли ватанӣ дар маҷмуъ ба 10,9 фоиз баробар шудааст.
Сардори Раёсати саноати сабук ва пиллаи Вазорати саноат ва технологияҳои нави ҷумҳурӣ Абдурауф Пӯлотов дар суҳбат бо хабарнигори АМИТ «Ховар» гуфт, ки «имсол коҳиш ёфтани истеҳсоли либоси мактабӣ нисбат ба ҳамин давраи соли гузашта ба талабот рабт дорад. Ба либосҳои мактабӣ хонандагони синфҳои якум ва синфҳои болоӣ бештар ниёз доранд ё баъзе хонандагон вобаста ба вазъи иҷтимоӣ як либоси мактабиро зарфи ду сол истифода менамоянд. Либосҳои мактабӣ дар асоси шартнома байни корхонаҳои истеҳсолӣ ва шуъбаҳои маорифи шаҳру навоҳии мамлакат истеҳсол мешаванд». 
Нархи як либоси сегонаи мактабии истеҳсоли корхонаҳои ватанӣ 220-240 сомониро ташкил медиҳад. Инчунин аз хориҷи мамлакат, асосан аз Узбекистон либоси мактабӣ ворид мешавад, ки нархи як адад либоси сегонаи мактабии истеҳсоли Узбекистон 180 сомониро ташкил медиҳад. Абдурауф Пӯлотов афзуд, ки либосҳои мактабие, ки дар корхонаҳои саноатии мамлакат истеҳсол карда мешаванд, пурра ба стандартҳои сифат ҷавобгӯ мебошанд. Матоъҳое, ки аз онҳо корхонаҳои саноатии мамлакат либосҳои мактабӣ медӯзанд, истеҳсоли Туркия мебошанд. Инчунин таҷҳизоту датгоҳҳои корхонаҳои саноатие, ки дар онҳо либоси мактабӣ омода мегарданд, муосир буда, истеҳсоли Чин ва Ҷопон ҳастанд.
Бояд тазаккур дод, ки алҳол дар ҷумҳурӣ 80 корхонаи саноатӣ ба истеҳсоли либоси мактабӣ машғул мебошад. Аз ин омор 36 корхона дар Суғд, 29 корхона дар Хатлон, 4-то дар Бадахшон, 9 корхона дар шаҳру ноҳияҳои тобеи ҷумҳурӣ ва 2 корхона дар Душанбе фаъолият доранд. Интизор меравад, ки моҳи август дар шаҳрҳои калони ҷумҳурӣ, ба мисли Душанбе, Хуҷанд, Бохтар, Кӯлоб ва дигар марказҳои шаҳру навоҳии мамлакат ярмарка –фурӯши либосҳои мактабӣ ташкил карда шавад.
Марзия САИДЗОДА,
АМИТ «Ховар»
АКС: Вазорати саноат ва технологияҳои нави Ҷумҳурии Тоҷикистон
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
