БА ИСТИҚБОЛИ 32-СОЛАГИИ ИСТИҚЛОЛИЯТИ ДАВЛАТӢ. Хонандагони муассисаҳои таълимии ноҳияи Рашт соҳиби 7 бинои замонавӣ мегарданд
РАШТ, 29.08.2023. /АМИТ «Ховар»/. Ба ифтихори ҷашни 32-солагии Истиқлолияти давлатии Ҷумҳурии Тоҷикистон дар ноҳияи Рашт биноҳои иловагӣ ва асосии ҳафт муассисаи таълимӣ мавриди истифода қарор дода мешаванд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар шуъбаи маорифи ноҳияи Рашт хабар доданд.
Ҳамчунин дар соли нави таҳсили 2023-2024 биноҳои иловагӣ ва асосии муассисаҳои таълимии №22 деҳаи Ҳоити Ҷамоати деҳоти Ҳоит барои 250 хонанда, №77 деҳаи Болошаҳри Ҷамоати деҳоти Оби меҳнат барои 120 хонанда, №18 деҳаи Яшми Ҷамоати деҳоти Б.Раҳимзода барои 192 хонанда, №46 деҳаи Ғаввосиёни Ҷамоати деҳоти Б.Раҳимзода барои 192 хонанда, №39 деҳаи Воринги Ҷамоати деҳоти Ясман барои 192 хонанда, №7 деҳаи Шулмаки Ҷамоати деҳоти Б.Раҳимзода барои 240 хонанда ва №38 деҳаи Кули Ҷамоати деҳоти Аскалон барои 144 хонанда ба истифода дода мешаванд.
Муассисаҳои таълимӣ аз ҳисоби маблағгузории соҳибкорон, Мақомоти иҷроияи ҳокимияти давлатии ноҳияи Рашт ва саҳми аҳолӣ бунёд гардидаанд. Дар айни замон корҳои сохтмонӣ дар муассисаи таҳсилоти миёнаи умумии №61 деҳаи Шаҳри нави Ҷамоати деҳоти Қалъанак, муассисаи таҳсилоти миёнаи умумии №14 деҳаи Ярхаби Ҷамоати деҳоти Ҳиҷборак, муассисаи таҳсилоти ибтидоии №110 деҳаи Бустони Ҷамоати деҳоти Ҳиҷборак ва муассисаи таҳсилоти миёнаи умумии №53 деҳаи Баҳористони Ҷамоати деҳоти Қалъаи сурх идома доранд.
Ёдовар мешавем, ки соли 2023 биноҳои иловагӣ ва асосии муассисаи таҳсилоти умумии асосии №70 деҳаи Варзигони Ҷамоати деҳоти Б.Раҳимзода, муассисаи таҳсилоти ибтидоии №82 деҳаи Чорбоғи Ҷамоати деҳоти Н.Махсум, муассисаи таҳсилоти ибтидоии №104 деҳаи Сари шухони Ҷамоати деҳоти Аскалон, муассисаи таҳсилоти миёнаи умумии №49 деҳаи Хуфаки Ҷамоати деҳоти Қалъанак, муассисаи таҳсилоти миёнаи умумии №55 деҳаи Зарифии Ҷамоати деҳоти Тагоба ва муассисаи таҳсилоти умумии асосии №86 деҳаи қалъаи Мақсуди Ҷамоати деҳоти Қалъанак бо 572 ҷойи нишаст дар як баст сохта, ба истифода дода шуданд.
Хушбахтона, дар натиҷаи бунёду навсозии муассисаҳои таълимӣ дар ноҳияи Рашт мушкилоти нарасидани ҷойи нишаст бартараф гардида истодааст.
АКС: Мақомоти иҷроияи ҳокимияти давлатии ноҳияи Рашт
Дар Донишгоҳи технологии Тоҷикистон оид ба оила ва маърифати ҳуқуқии оиладорӣ ҳамоиш доир гардид
Ҷаласаи якуми ҳайати Комиссияи Озмуни ҷумҳуриявии «Илм – фурӯғи маърифат» дар соли 2025 баргузор гардид
Дар ҳошияи имзои Эъломияи Хуҷанд оид ба дӯстии абадӣ ҳамоиши сиёсӣ-фарҳангӣ баргузор шуд
Литсей барои хонандагони болаёқат дар шаҳри Душанбе ғолиби даҳгонаи беҳтарин дастаҳои ҳаракати олимпӣ гардид
Донишгоҳи технологии Тоҷикистон мутахассисони рақобатпазир омода менамояд
Тарбияи ватандӯстии шаҳрвандон василаи таҳкими давлатдории миллӣ ва пешгирӣ аз экстремизму терроризм аст
Байни коллеҷҳои Душанбе ва Алмато шартномаи ҳамкорӣ ба имзо расид
Душанбе мизбони конфронси III минтақавӣ оид ба ҷанбаҳои рушди устувори таҳсилоти касбӣ мегардад
Дар доираи Ҳафтаи илм, технология, инноватсия ва ихтироъкории наврасону ҷавонон озмуни «Илм ва амал» доир шуд
Дар ноҳияи Ванҷ сохтмони чор муассисаи таҳсилоти томактабӣ идома дорад
Дар Донишгоҳи техникии Тоҷикистон Маркази таълимӣ-истеҳсолии электромобилҳо таъсис дода мешавад
Дар Боғи «Агробиолабораторӣ»-и Донишгоҳи давлатии омӯзгорӣ корхонаи истеҳсоли моеъҳои шӯянда ва косметологӣ сохта мешавад
