БАХШИДА БА СОЛҲОИ РУШДИ САНОАТ. Ҷамъиятҳои «Баракат — Исфара» ва «Субҳи Ватан» ба Аврупо ва Амрико маҳсулот содирот менамоянд
СУҒД, 11.08.2023 /АМИТ «Ховар»/. 9 август Раиси вилояти Суғд дар шаҳри Исфара бо фаъолияти корхонаҳои саноатии ҶДММ «Баракат — Исфара» ва ҶДММ «Субҳи Ватан» шинос гардид. Дар ин хусус ба мухбири минтақавии АМИТ «Ховар» Саъдулло Маҳкам дар Хадамоти матбуоти Раиси вилояти Суғд хабар доданд.
Бояд гуфт, ки дар доираи ҳадафи стратегӣ эълон гардидани саноатикунонии мамлакат ва бахшида ба Солҳои рушди саноат (2022-2026) дар шаҳру ноҳияҳои вилояти Суғд ба бунёд ва ба кор андохтани иқтидорҳои нави истеҳсолӣ таваҷҷуҳи хосса зоҳир гардида, ҳамасола даҳҳо корхонаҳои хурду бузург бунёд мешаванд.
Корхонаҳои саноатии «Баракат — Исфара» ва «Субҳи Ватан» аз корхонаҳои фаъол ба ҳисоб рафта, дар онҳо даҳҳо нафар сокинони маҳаллӣ бо ҷойи кор таъмин гардидаанд.
Дар ҶДММ «Баракат-Исфара» беш аз 140 нафар кор мекунанд. Корхона ба банду баст ва коркарди мева машғул буда, маҳсулоти он ба шаҳрҳои Москва, Санкт-Петербург ва дигар минтақаҳои Федератсияи Русия содирот мегардад. Маҳсулоти «Баракат-Исфара» дар ҷумҳуриҳои Чехия, Туркия ва Канада низ серхаридор буда, имсол бори аввал содироти маҳсулоти Тоҷикистон ба Олмон амалӣ гардид.
ҶДММ «Субҳи Ватан» соли равон илова бар анвои гуногуни хушкмеваҳо консерваи барги ток ва ғӯраи зардолуро ба Аврупо ва Амрико содирот намуд ва тасмим гирифта шудааст, ки маҳсулоти корхона минбаъд бештар содирот шавад.
Зимни шиносоии роҳбарияти вилояти Суғд ба фаъолияти корхонаҳо баҳои баланд ва барои ҳарчи бештар намудани ҳаҷми содироти маҳсулоти ватанӣ тавсияҳо дода шуд.
АКС: Хадамоти матбуоти Раиси вилояти Суғд
Душанбе моҳи август мизбони «Food industry Forum of Tajikistan-2026» мегардад
Дар ҶДММ «Саноати Ашт» хатҳои нави истеҳсолӣ васлу насб гардиданд
РУШДИ САНОАТ. Дар шаҳри Истиқлол сохтмони корхонаи истеҳсоли оҳаксанг ва хокаи оҳак идома дорад
Ҷамъияти дорои масъулияти маҳдуди «Хоҷамастон» дар як рӯз то 700 дона хишт истеҳсол менамояд
РУШДИ САНОАТ. Дар шаҳри Истиқлол сохтмони марҳилаи дуюми корхонаи металлургӣ идома дорад
Дар Ҷамоати шаҳраки Шарора корхонаҳои истеҳсоли хишт ва семент ба истифода дода мешаванд
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
РУШДИ САНОАТ. Дар Тоҷикистон ҳаҷми истеҳсоли маҳсулоти саноатӣ ба 16 миллиард сомонӣ расид
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
