БОЗИҲОИ II ИТТИҲОДИ ДАВЛАТҲОИ МУСТАҚИЛ. Варзишгарони тоҷик соҳиби 10 медал гардиданд
ДУШАНБЕ, 12.08.2023 /АМИТ «Ховар»/. Дар шаҳри Брести Ҷумҳурии Беларус рӯзи сеюми мусобиқаи шиноварӣ идома дорад, хабар медиҳанд мухбирони АМИТ «Ховар» аз шаҳри Брест.
Дар ин шаҳр 133 шиновар аз 11 давлат, аз ҷумла Тоҷикистон, Озарбойҷон, Арманистон, Ветнам, Қазоқистон, Қирғизистон, Покистон, Русия, Туркманистон ва Узбекистон ҷамъ омаданд.
Дар ин навъи бозӣ Тоҷикистонро 4 варзишгар муаррифӣ менамоянд. Тавре ки мураббии дастаи шиноварии Тоҷикистон Раҳмат Мирзоев гуфт, мубориза барои ҷойҳои намоён имрӯз идома меёбад. «Рӯзи аввал варзишгарони мо- Билол Алиев, Усмон Салимов ва Богдан Гасиатулин дар сабки озод ба масофаи 100 метр рақобат намуданд. Дар рӯзи дуюм Богдан Гасиатулин дар масофаи 400 ва 200 метр қувваозмоӣ намуд. Ҳарчанд ки дар ин мусобиқа шиноварони беҳтарин ҷамъ омадаанд, шиноварони мо низ натиҷаҳои хуб нишон дода истодаанд ва соҳиби ҷойҳои фахрӣ хоҳанд гашт»,-илова намуд мусоҳиби мо.
Мубориза барои ишғоли ҷойҳои намоён то 13 август идома ёфта, варзишгарон дар ин намуди бозӣ дар маҷмуъ 32 медалро соҳиб мешаванд.
То имрӯз варзишгарони тоҷик дар Бозиҳои II Иттиҳоди Давлатҳои Мустақил дар Беларус аз рӯи намудҳои гуногуни варзиш дар маҷмуъ 10 медал ба даст овардаанд.
Инчунин имрӯз дар Орша ду муштзани тоҷик, ки ба бозии ниҳоӣ роҳ ёфта буданд, бо рақибони худ барои ҷойҳои аввал мубориза мебаранд.
Лайло ТОИРӢ,
Елена БАТЕНКОВА,
АМИТ «Ховар»
АКС: АМИТ «Ховар»
Дар Душанбе бахшида ба Ҷашни байналмилалии Наврӯз Мусобиқаи гӯштини миллӣ (гӯштингирӣ) доир мешавад
Parimatch Tajikistan ва дастаи футболи «Истаравшан» ҳамкории муштаракро оғоз карданд
Ғолибони даври якуми Чемпионати Тоҷикистон-2026 оид ба футбол байни дастаҳои Лигаи олӣ муайян шуданд
Дар ноҳияи Ёвон ғолибони мусобиқаи байналмилалӣ аз рӯи гӯштини ҷудо қадрдонӣ карда шуданд
PARIMATCH TAJIKISTAN ва КФ «Хуҷанд» оғози шарикии бузургро эълон карданд
Бозии дӯстона байни дастаҳои мунтахаби занонаи Тоҷикистон ва Амороти Муттаҳидаи Арабӣ мусовӣ анҷом ёфт
ҶОМИ ҶАҲОН ОИД БА БОКС. Аз Тоҷикистон дар ин мусобиқа даҳ варзишгар иштирок мекунад
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
