ЧЕМПИОНАТИ ТОҶИКИСТОН-2023. «Истиқлол ва «Равшан» дар бозиҳои даври 17-уми Лигаи олӣ бар ҳарифонашон ғолиб омаданд
ДУШАНБЕ, 14.08.2023 /АМИТ «Ховар»/. Бозиҳои даври 17-уми Чемпионати Тоҷикистон оид ба футбол ба анҷом расиданд. Дар ин давр дастаҳои футболи «Ҳосилот»-и ноҳияи Фархор, «Эсхата»-и шаҳри Хуҷанд, «Истиқлол»-и шаҳри Душанбе ва «Равшан»-и шаҳри Кӯлоб бар ҳарифонашон ғолиб ва соҳиби имтиёзҳои зарурӣ шуданд. Бозии дастаҳои футболи «Регар-ТадАЗ»-и шаҳри Турсунзода ва «Хуҷанд»-и шаҳри Хуҷанд мусовӣ ба поён расид, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
То анҷоми марҳилаи дуюми Чемпионати Тоҷикистон-2023 байни дастаҳои Лигаи олӣ як даври дигар боқӣ мондааст, ки пас аз он ҳайати иштирокчиёни ду гурӯҳи марҳилаи ниҳоӣ муайян мешавад. Аллакай дастаҳои футболи «Истиқлол»-и шаҳри Душанбе, «Кӯктош»-и ноҳияи Рӯдакӣ, «Равшан»-и шаҳри Кӯлоб ва «Эсхата»-и шаҳри Хуҷанд барои худ ҷойро дар гурӯҳи «А»-и марҳилаи ниҳоӣ кафолат доданд. Боз як иштирокчии гурӯҳи якум баъди даври 18-ум муайян мегардад.
Қобили тазаккур аст, ки дастаи футболи «Истиқлол»-и шаҳри Душанбе пас аз 17 даври мусобиқа ҳоло бо касби 36 имтиёз пешсафи ҷадвали мусобиқот аст. Дастаи футболи «Кӯктош»-и ноҳияи Рӯдакӣ бо 29 имтиёз дар зинаи 2-юм ва дастаи «Равшан»-и шаҳри Кӯлоб бо 28 имтиёз дар зинаи 3-юм мавқеъ гирифтаанд. Дастаҳои футболи «Хатлон»-и шаҳри Бохтар ва «Регар-ТадАЗ»-и шаҳри Турсунзода бо 15 имтиёзӣ дар зинаҳои поёнии ҷадвали мусобиқот ҷой гирифтаанд.
Бозиҳои даври 18-уми Лигаи олӣ:
17 август | 17:00
«Хуҷанд» – «Истиқлол»
18 август | 17:00
«Куктош» – «Равшан»
19 август | 17:00
«Хатлон» – «Регар-ТадАЗ»
КМВА – «Эсхата»
«Файзканд» – «Ҳосилот»
АКС: Федератсияи футболи Тоҷикистон
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
РӮЗИ ҶАҲОНИИ ФУТБОЛ. Бозии нахустини Лигаи футболи Вилояти Мухтори Кӯҳистони Бадахшон доир шуд
