Дар Мастчоҳ вобаста ба пешгирии шомилшавии ҷавонон ба ҳизбу ҳаракатҳои ифротӣ вохӯрӣ баргузор шуд
ДУШАНБЕ, 18.08.2023 /АМИТ «Ховар»/. 16 август дар Мақомоти иҷроияи ҳокимияти давлатии ноҳияи Мастчоҳ вохӯрии намояндагони Раёсати Кумитаи давлатии амнияти миллии Ҷумҳурии Тоҷикистон дар вилояти Суғд бо аҳли зиё, имомхатибон ва намояндагони ташкилоту муассисаҳои ноҳия доир гардид. Дар ин хусус АМИТ «Ховар» бо истинод ба Дафтари матбуоти Раиси ноҳияи Мастчоҳ хабар медиҳад.
Дар вохӯрӣ масъалаҳои пешгирии шомилшавии ҷавонон ба ҳизбу ҳаракатҳои ифротӣ, таълимоти ғайрирасмии динӣ ва ҷараёни салафия дар қаламрави вилояти Суғд, аз ҷумла ноҳияи Мастчоҳ мавриди таҳлилу баррасӣ қарор дода шуд.
Иброз гардид, ки дар шароити ҷаҳонишавию душвор гардидани муносибатҳои байналмилалии сиёсию иқтисодӣ, мураккаб гардидани авзои сиёсии минтақа, пос доштани арзишҳои миллию маънавӣ, баланд бардоштани сатҳи фарҳангӣ — сиёсӣ ва маърифати ҳуқуқии аҳолии ҷумҳурӣ, хусусан ҷавонон диққати махсус зоҳир намудан амри зарурӣ мебошад.
Яке аз падидаҳои асосие, ки имрӯз сабаби шомилшавии ҷавонон ба ҳизбу ҳаракатҳои террористиву экстремистӣ мегардад, ин шабакаҳои интернетии гурӯҳҳои ифротгароӣ ва таълимоти ғайриқонунии динӣ мебошад.
Ташкилоти террористиву экстремистӣ бо суиистифода аз эҳсоси динии ҷавонони ноогоҳ дар ҷараёни таълимоти худ онҳоро нисбат ба гузаштагони худ дар руҳияи бадбинӣ ба арзишҳо, суннатҳо ва урфу одати миллии мо тарбият намуда, ин арзишҳоро барои як мусалмон нолозим ва ғайри қобили қабул муаррифӣ менамоянд.
Таҳлилҳо нишон медиҳанд, ки ташкилоти террористиву экстремистӣ имрӯз ҷавонони фаъолу донишмандро ба воситаи шабакаҳои интернетӣ ба доми худ афканда, мехоҳанд тавассути онҳо сафу пайравони худро дар мамлакат аз ҳисоби ҷавонон зиёд намуда, ҳадафҳои нопоки худро амалӣ созанд. Бинобар ин, аз аҳли зиё, омӯзгорон, роҳбарони ташкилоту муассисаҳо даъват шуд, ки нисбат ба фарзандон, хусусан фарзандоне, ки дар муҳоҷирати меҳнатӣ таҳсил ва ё кору зиндагӣ мекунанд, бепарвоӣ зоҳир накунанд ва пайваста бо онҳо дар тамос шуда, нагузоранд фарзандонашон ақидаҳои ифротгароии гурӯҳҳои тундравро пайравӣ намоянд.
АКС: Дафтари матбуоти Раиси ноҳияи Мастчоҳ
Имрӯз дар баъзе ноҳияҳои Тоҷикистон туман мефарояд
НИШАСТИ МАТБУОТӢ. Соли 2024 забҳи 586 сар чорвои мубталои бемории буғумдард пешгирӣ карда шуд
Ҷашни Сада дар шаҳри Ҳисор бо намоиши дастовардҳои кишоварзон пуршукуҳ таҷлил гардид
Кишоварзони фаъоли ноҳияи Зафаробод дар иди Сада кадрдонӣ гардиданд
«МАКТАБИ МОДАРОН». Дар Ёвон бо мақсади ба ҳаёти мустақилона омода намудани духтарон ҳамоиши тарғиботӣ доир шуд
Дар Суғд ҷашни Садаро бо иштироки меҳмонон аз давлатҳои ҳамсоя таҷлил намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МАКТАБИ МОДАРОН». Дар шаҳру ноҳияҳои вилояти Хатлон ҳамоиши тарғиботӣ доир мегардад
Дар шаҳри Хоруғ ҷашни Сада бо русуми аҷдодӣ таҷлил гардид
3 феврал дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Имрӯз дар Тоҷикистон ҳаво абрнок мешавад
Имрӯз дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
