Гардиши савдои хориҷӣ байни Тоҷикистон ва Ҷопон дар шашмоҳаи аввали соли 2023 1,7 маротиба зиёд шудааст
ДУШАНБЕ, 04.08.2023. /АМИТ «Ховар»/. 3 август вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода ва муовини Вазири корҳои хориҷии Ҷопон Йошикава Юмӣ баргузор гардид. Дар ин хусус ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон иттилоъ доданд.
Зимни мулоқот гуфта шуд, ки гардиши савдои хориҷӣ байни Тоҷикистон ва Ҷопон дар шашмоҳаи аввали соли 2023 нисбат ба ҳамин давраи соли гузашта 1,7 маротиба зиёд шудааст. Гардиши савдои хориҷии Тоҷикистон ва Ҷопон соли 2022 108,5 млн долларро ташкил дода буд.
Дар вохӯрӣ ёддоштҳои табодулӣ байни Ҳукумати Ҷумҳурии Тоҷикистон ва Ҳукумати Ҷопон дар доираи Барномаи волонтёрони Ҷопон оид ба ҳамкории байналмилалӣ (JOCV) ба имзо расиданд. Дар доираи ин санад Ҷопон барои соҳаҳои афзалиятноки иқтисодию иҷтимоии Тоҷикистон мутахассисони соҳибтаҷриба, ба монанди табибон, муҳандисон, технологҳо, барномасозон, дизайнерҳоро ба таври ройгон ҷалб менамояд.
Зимни вохӯрӣ тарафҳо масъалаҳои густариши ҳамкории тиҷоратии дуҷониба байни ду давлат, аз ҷумла зиёд намудани маблағгузории лоиҳаҳои афзалиятноки Ҷумҳурии Тоҷикистон, таъсиси корхонаҳои муштараки саноатӣ бо истифода аз технологияи пешқадами Ҷопон дар минтақаҳои озоди иқтисодӣ, содироти молу маҳсулоти аз ҷиҳати экологӣ тозаи Тоҷикистон ва таъсиси марказҳои логистикиро баррасӣ намуданд.
Иброз гардид, ки 2500 нафар шаҳрвандони Ҷумҳурии Тоҷикистон дар доираи Барномаи Агентии Ҷопон оид ба ҳамкории байналмилалии (JICA) Ҷопон ва 100 нафар хизматчиёни давлатӣ дар доираи лоиҳаи грантии “Бурсияҳои таҳсилӣ барои рушди захираҳои инсонӣ (JDS)” дар Ҷопон таҳсил намуданд.
Инчунин масъалаи ба роҳ мондани ҳамкорӣ дар соҳаи муҳоҷирати меҳнатӣ мавриди баррасӣ қарор гирифт ва ҷониби Ҷопон омодагии худро дар ин самт баён намуд.
Илова бар ин ҷонибҳо ҷиҳати ба роҳ мондани ҳамкорӣ оид ба татбиқи лоиҳаҳои «Иқтисоди сабз» ва «Иқтисоди рақамӣ» дар Ҷумҳурии Тоҷикистон мубодилаи афкор намуданд.
АКС: Вазорати рушди иқтисод ва савдои Ҷумҳурии Тоҷикистон
Роҳи мошингарди «Айнӣ – Кӯҳистони Мастчоҳ» навсозӣ мешавад
НЕРУГОҲИ ОФТОБӢ. Ширкати «Mаsdar» дар Тоҷикистон чунин неругоҳро бо иқтидори 400 мегаватт бунёд менамояд
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
