МАОРИФ-ПОЯИ ДАВЛАТ. Ба муассисаҳои таълимии ноҳияи Кӯшониён 76 мутахассиси ҷавон фиристода шуд
ДУШАНБЕ, 27.08.2023. /АМИТ «Ховар»/. Тибқи роҳхати Вазорати маориф ва илми мамлакат 76 нафар мутахассисони ҷавон ба муассисаҳои таълимии ноҳияи Кушониёни вилояти Хатлон фиристода шуданд, ки ҳоло 70 нафарашон ба ҷойи кор ҳозир гардидаанд. Дар ин хусус АМИТ «Ховар» бо истинод ба маркази матбуоти Раиси ноҳияи Кӯшониён хабар медиҳад.
Дар ноҳияи Кӯшониён 60 муассисаи таълимӣ фаъолият дорад, ки дар онҳо 58 ҳазору 375 нафар хонандагон таҳсил менамоянд. Дар назди 37 муассисаи таълимӣ 41 Маркази инкишофи кӯдак ташкил шудааст, ки дар самти фарогирии кӯдакон ба таҳсили томактабӣ мусоидат менамоянд.
Ёдовар мешавем, ки соли 2022 Сарвари давлат муҳтарам Эмомалӣ Раҳмон зимни суханронӣ дар Рӯзи дониш ва ифтитоҳи бинои асосии Донишгоҳи давлатии тиббии Тоҷикистон ба Вазорати маориф ва илми мамлакат супориш доданд, ки масъалаи бо кадрҳои омӯзгорӣ пурра таъмин намудани муассисаҳои таҳсилоти миёнаи умумиро дар кӯтоҳтарин муҳлат ҳал намояд.
Дар муассисаҳои таълимии ноҳия сатҳу сифати таълим солҳои охир беҳтар гардида, аз натиҷаи чоряки чорум ва солонаи дуюм дар муассисаҳои таълимӣ барои соли таҳсили 2022 – 2023 бармеояд, ки сифати таҳсил 59,8 фоиз буда, азхудкунии барномаҳои таълимӣ 99,3 фоизро дар бар мегирад.
Бояд гуфт, ки озмунҳои ҷумҳуриявии «Фурӯғи субҳи доноӣ китоб аст», «Илм – фурӯғи маърифат», ««Тоҷикон – оинаи таърихи миллат» ва «Тоҷикистон – Ватани азизи ман» дар сатҳи ноҳия мувофиқи матлаб гузаронида шуданд, ки доираи васеи иштирокчиёнро фаро гирифтанд. Маҳз дар даври дуюми Озмуни ҷумҳуриявии «Фурӯғи субҳи доноӣ китоб аст» 780 нафар иштирок намуда, 55 нафар ба даври сеюми озмун роҳхат гирифтанд. Ба квотаи президентӣ аз ноҳия 103 нафар роҳхат гирифта, аз ин 22 нафар соҳиби номи донишҷӯ шуданд.
Инчунин дар даври вилоятии олимпиадаи мактаббачагон хонандагони муассисаҳои таълимии ноҳия 166 медал ба даст оварданд, ки нисбат ба соли гузашта 87 медал зиёд мебошад. Дар даври ҷумҳуриявӣ хонандагон 51 ҷойи ифтихориро соҳиб шуданд. Дар олимпиадаи байналмилалӣ 19 хонанда соҳиби медал гардид.
София ШОИК,
АМИТ «Ховар»
АКС: Маркази матбуоти Раиси ноҳияи Кӯшониён
КВОТАИ ПРЕЗИДЕНТӢ. Тавассути он 118 нафар аз водии Рашт ба таҳсил фаро гирифта шуд
КВОТАИ ПРЕЗИДЕНТӢ. Тибқи он имсол аз ноҳияи Сангвор 11 духтар ба муассисаҳои олии Тоҷикистон дохил шуданд
Эмомалӣ Раҳмон: «Давоми солҳои соҳибистиқлолӣ дар ноҳияи Сангвор 68 иншооти соҳаи маориф сохта шудааст»
КАМОЛОТИ ИНСОНӢ АЗ САВОДУ МАЪРИФАТ ВОБАСТА АСТ. Дар ҳошияи суханронии Президенти Тоҷикистон бахшида ба Рӯзи дониш ва Дарси сулҳ
МАРКАЗҲОИ ИНКИШОФИ КӮДАК . Нақши онҳо дар тарбия ва камолоти кӯдак чӣ гуна аст?
Бахшида ба 33-солагии Истиқлоли давлатӣ дар ноҳияи Рӯдакӣ биноҳои муассисаҳои таълимӣ ба истифода дода шуданд
САМАРАИ СОҲИБИСТИҚЛОЛИИ ТОҶИКИСТОН. Музди меҳнати кормандони соҳаи маориф 21 маротиба баланд бардошта шуд
Дар шаҳри Панҷакент бахшида ба 33-солагии Истиқлоли давлатӣ якчанд иншоот ифтитоҳ шуд
Дар ноҳияи Ховалинг бинои иловагии муассисаи таълимии №15 ифтитоҳ гардид
ИСТИҚЛОЛ ВА РУШДИ МАОРИФ. Дар ин давра шумораи муассисаҳои олӣ аз 13 ба 47 адад расонида шуд
«ИСТИҚЛОЛИЯТ ВА ЭЪМОРИ ДАВЛАТДОРИИ МИЛЛӢ». Таҳти чунин унвон дар шаҳри Кӯлоб ҳамоиш доир гардид
БА ИФТИХОРИ 33-СОЛАГИИ ИСТИҚЛОЛИ ДАВЛАТӢ. Дар ноҳияи Ҷаббор Расулов якчанд иншооти соҳаи маориф ифтитоҳ гардид
