МУРҒОБ НЕ, МАРҒОБ! Кумитаи забон ва истилоҳот номи объектҳои ҷуғрофиро ба меъёрҳои номгузории миллӣ мутобиқ менамояд
ДУШАНБЕ, 06.08.2023. /АМИТ «Ховар»/. Кумитаи забон ва истилоҳоти назди Ҳукумати Ҷумҳурии Тоҷикистон нақша дорад, ки 7695 номи объектҳои ҷуғрофӣ ва 5083 маҳалли аҳолинишинро ба меъёрҳои номгузории миллӣ мутобиқ намояд. Дар ин хусус 3 август зимни нишасти матбуотӣ Раиси Кумита Олимҷон Муҳаммадҷонзода ба хабарнигорон иттилоъ дод.
Ба гуфтаи Раиси Кумита, дар бисёре аз маҳаллаву ноҳияҳо дар вақти номгузорӣ қоидаҳои имлои забон риоя нашудаанд ва онҳо бояд ба меъёрҳои забони адабӣ мутобиқ шаванд. «Масалан, номи ноҳияи Мурғоб, ки пештар ғалат навишта шуда буд, ислоҳ шуда, барои иваз намудани он номи таърихияш- Марғоб пешниҳод гардид», -гуфт Раиси Кумитаи забон.
Дар идомаи нишасти матбуотӣ иттилоъ дода шуд, ки аз ҷониби Комиссияи номгузории номҳои миллии тоҷикӣ ба 398 муроҷиаткунанда оид ба номгузории фарзанд хулосаи дастгирӣ дода шуда, ба 252 муроҷиаткунанда оид ба номгузории фарзанд бинобар мутобиқат накардан ба меъёрҳои забони тоҷикӣ хулосаи рад пешниҳод гардид. Инчунин ба 7 маводи судӣ хулосаи забоншиносӣ пешниҳод шудааст.
Зарангези ЛАТИФ,
АМИТ «Ховар»
АКС: АМИТ «Ховар»
Даври сеюми Озмуни ҷумҳуриявии «Тоҷикистон — Ватани азизи ман» моҳи октябр баргузор мешавад
Китоби тозанашри «Коллексияи Пешвои миллат дар Осорхонаи миллӣ» муаррифӣ карда шуд
Дар Душанбе Фестивали байналмилалии санъати сиркӣ таҳти унвони «Дунёи сирк — пайвандгари қалбҳо» идома дорад
Китоби «Мероси таърихию фарҳангии шаҳри Душанбе» аз чоп баромад
ЭМОМАЛӢ РАҲМОН – ПАЙВАНДГАРИ ТОҶИКОН ВА ФОРСИЗАБОНОН. Дар ҳошияи китоби Президенти Тоҷикистон «Забони миллат – ҳастии миллат»
Аъзои ҳайати Маҷлиси умумичинии намояндагони мардумии Чин дар Осорхонаи миллӣ бо тамаддуни тоҷикон шинос гардиданд
Ёдгориҳои таърихию фарҳангии Тоҷикистон ба рӯйхати муқаддамотии ЮНЕСКО ворид гардиданд
«ҶАҲОНИ СИРК ДИЛҲОРО МУТТАҲИД МЕКУНАД!». Фестивали якуми байналмилалии санъати сиркӣ оғоз меёбад
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
