НИШАСТИ МАТБУОТӢ. Дар асоси амрҳои мақомоти прокуратура 12 ҳазору 406 гектар қитъаи замин ба ҳолати аввала баргардонида шуд
ДУШАНБЕ, 15.08.2023. /АМИТ «Ховар»/. Баҳри иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон оид ба санҷиши заминҳои соҳаи маориф, ки дар мулоқот бо фаъолони вилояти Хатлон 27 апрели соли равон дар ноҳияи Данғара дода буданд, гурӯҳи корӣ таъсис шуд. Ин гурӯҳи корӣ дар 35 шаҳру ноҳияҳои ҷумҳурӣ 174 ҳолати ғайриқонунӣ додан ва ё худсарона ишғол кардани заминҳои муассисаҳои таълимиро дар майдони 21,5 гектар ошкор намуд. Дар натиҷа 13 парвандаи ҷиноятӣ оғоз шуда, оид ба бартарафсозии ин қонунвайронкуниҳо 101 амр, 24 пешниҳод ва ба 36 қарори ғайриқонунии раисони ин шаҳру ноҳияҳо эътирозҳои прокурорӣ оварда шуданд. Чунин изҳор дошт Прокурори генералии Ҷумҳурии Тоҷикистон Юсуф Раҳмон зимни нишасти матуботӣ, ки нимаи аввали имрӯз баргузор гардид.
Ба намояндагони ВАО-и ватанӣ ва хориҷӣ иттилоъ дода шуд, ки давоми шаш моҳи соли равон дар асоси амрҳои мақомоти прокуратура 12 ҳазору 406 гектар қитъаи замин ба ҳолати аввала баргардонида шудааст.
Вобаста ба самтҳои назорати прокурорӣ дар давраи ҳисоботӣ 4 ҳазору 342 санҷиш гузаронида шуда, аз натиҷаи онҳо 2 ҳазору 481 парвандаи ҷиноятӣ оғоз гардид, 38 ҳазору 893 нафар ба ҷавобгарии интизомӣ, моддӣ ва маъмурӣ кашида шуданд. Давоми нимсолаи аввал ба маблағи зиёда аз 773 миллион сомонӣ зарар барқарор шудааст, ки аз ин 273,7 миллион сомонӣ ба манфиати давлат мебошад.
Давоми шаш моҳи соли равон ба мақомоти прокуратура 18 ҳазору 444 муроҷиати шахсони воқеӣ ва ҳуқуқӣ ворид шуда, 1 ҳазору 438 муроҷиат қонеъ гардонида шуд. Дар натиҷаи тадбирҳои қонунӣ аз ҷониби мақомоти прокуратура ҳуқуқ ва манфиатҳои 184 917 нафар шахсони воқеӣ ва ҳуқуқӣ барқарор гардид.
А. САНГЗОДА,
АМИТ «Ховар»
АКС: АМИТ «Ховар»
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
