НИШАСТИ МАТБУОТӢ. Дар Палатаи ҳисоб барномаи электронии аудити мустақил амалӣ гардидааст
ДУШАНБЕ, 13.08.2023 /АМИТ «Ховар»/. Дар айни замон дар Палатаи ҳисоби Ҷумҳурии Тоҷикистон барномаи электронии аудити мустақил амалӣ гардидааст, ки мутобиқ ба талаботи замон ва стандартҳои байналмилалии аудит мебошад. Низоми мазкур тамоми раванди аудитро шуруъ аз нақшабандӣ то таҳияи хулоса ва фаъолияти минаъда дар бар гирифта, ҷараёни онро роҳбарият ва сараудитори самт назорату мушоҳида менамоянд. Дар ин хусус 11 август Раиси Палатаи ҳисоб Қарахон Чиллазода дар нишасти матбуотӣ баён дошт.
Қарахон Чиллазода гуфт, ки «ин иқдом, пеш аз ҳама, вақтро сарфа мекунад, кори аудиторро осон менамояд, шаффофият таъмин гардида, хавфи омилҳои инсонӣ низ паст мегардад. Илова бар ин модули ҳуҷҷатгузории электронии дохилиидоравӣ пурра мавриди истифодаи сохторҳои воҳидии Палатаи ҳисоб қарор дошта, доираи фаъолияти ин барнома тамоми сатҳи кормандонро фаро гирифта, ҳуҷҷатҳои воридотиву содиротӣ бо тартиби муқарраршуда ва дар шакли электронӣ сабт мешаванд».
Ҳоло Палатаи ҳисоб бо системаҳои электронии Вазорати молия, Кумитаи андоз, Хадамоти гумрук ва КВД «Амонатбонк» пайваст шуда, маълумоти зарурӣ мегирад. Инчунин ҷиҳати пайваст гардидан бо Кумитаи давлатии сармоягузорӣ ва идораи амволи давлатӣ ва Агентии хариди давлатии мол, кор ва хизматрасонӣ корҳо идома доранд.
«Бояд гуфт, ки аллакай Палатаи ҳисоб усули фосилавиро оғоз намудааст. Ҷараёни аудит се марҳила -омодагӣ, гузаронидани аудит ва таҳияи ҳисоботро дар бар мегирад. Марҳилаи омодабошӣ ва таҳияи ҳисобот аллакай фосилавӣ анҷом дода шуда, танҳо баъди муайян намудани хавфҳо корманд ба объект равона мешавад. Ин аст, ки агар пештар муҳлати чорабиниҳои аудиторӣ 30 рӯз идома меёфт, ҳозир он дар 10-15 рӯз анҷом дода мешавад»,-афзуд Қарахон Чиллазода.
Раъно НУСРАТУЛЛО,
АМИТ «Ховар»
АКС: АМИТ «Ховар»
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
