НИШАСТИ МАТБУОТӢ. Дар Тоҷикистон 490 корхонаи нави саноатӣ бо 2400 ҷойи кор ба истифода дода шуд

Август 13, 2023 15:32

ДУШАНБЕ, 13.08.2023 /АМИТ «Ховар»/. Ҷиҳати ноилшавӣ ба ҳадафи чоруми миллӣ — саноатикунонии босуръати мамлакат, зиёд намудани ҳаҷми истеҳсоли маҳсулот ва таъмини талаботи бозор бо маҳсулоти рақобатпазири ватанӣ, ба кор андохтани иқтидорҳои нав, истифодаи иқтидорҳои истеҳсолӣ ва содиротӣ соли равон дар Тоҷикистон 490 корхонаи нави саноатӣ бо 2400 ҷойи кор мавриди истифода қарор дода шуданд. Дар ин хусус муовини аввали Вазири рушди иқтисод ва савдои Ҷумҳурии Тоҷикистон Ашурбой Солеҳзода 10 август дар ҷараёни нишасти матбуотӣ ба хабарнигорон иттилоъ дод.

Ашурбой Солеҳзода афзуд, ки дар натиҷаи тадбирҳои андешида дар ин давра ҳаҷми истеҳсоли маҳсулоти саноатӣ ба 20,7 миллиард сомонӣ баробар гардида, суръати рушди он 10,3 фоизро ташкил дод. Суръати рушди соҳаи саноат аз ҳисоби 14,2 фоиз афзоиши ҳаҷми истеҳсоли маҳсулоти саноати коркард, 7,3 фоиз саноати истихроҷ ва 13,6 фоиз таъминоти неруи барқ, газ, буғ ва тозакунии ҳаво таъмин гардидааст.

Таъкид шуд, ки дар ин давра истеҳсоли неруи барқ дар ҷумҳурӣ 10,8 миллиард кВт-соатро ташкил дода, нисбат ба ҳамин давраи соли гузашта 345,5 миллион кВт-соат ё 3,3 фоиз зиёд таъмин гардид.

Зимни нишасти матбуотӣ гуфта шуд, ки дар ин давра дар ҳамаи шаклҳои хоҷагидории ҷумҳурӣ ҳаҷми умумии истеҳсоли маҳсулоти кишоварзӣ ба 18,7 миллиард сомонӣ баробар шуд, ки нисбат ба ҳамин давраи соли гузашта 7,9 фоиз зиёд мебошад, аз ҷумла рушди растанипарварӣ 10,4 фоиз ва чорводорӣ 2,4 фоизро ташкил додааст. Дар маҷмуъ дар хоҷагиҳои ҷамъиятӣ ва деҳқонӣ кишти баҳории зироати кишоварзӣ соли равон дар майдони 429,9 ҳазор гектар гузаронида шуд, ки нисбат ба ҳамин давраи соли 2022 0,3 фоиз зиёд аст. Инчунин кишти такрории зироати кишоварзӣ дар майдони 76,7 ҳазор гектар гузаронида шуд, ки нисбат ба ҳамин давраи соли гузашта 8,8 фоиз зиёд мебошад.

Ҳамзамон дар ин давра дар ҷумҳурӣ истеҳсоли ғалладонагиҳо 705,3 ҳазор тонна, аз ҷумла гандум 630,7 ҳазор тонна, картошка 261,6 ҳазор тонна, сабзавот 1136,2 ҳазор тонна, аз ҷумла пиёз 524,7 ҳазор тонна, полезӣ 299,2 ҳазор тонна ва мева 185,4 ҳазор тоннаро ташкил дод, ки нисбат ба ҳамин давраи соли 2022 ғалладонагиҳо 2,5 фоиз, бахусус гандум 3,4 фоиз, сабзавот 10,2 фоиз, пиёз 16,1 фоиз, полезӣ 5,4 фоиз ва меваҷот 1,6 баробар зиёд гардида, картошка 0,4 фоиз коҳиш ёфтааст.

Инчунин истеҳсоли гӯшти чорвои калон ва майда (дар вазни зинда) 77 ҳазор тонна (4,6 фоиз зиёд нисбат ба ҳамин давраи соли 2022), гӯшти паранда 23,8 ҳазор тонна (17,3 фоиз зиёд), шир 394,1 ҳазор тонна (3 фоиз зиёд), пашм 5221,5 тонна (2,6 фоиз зиёд) ва моҳӣ 1640,1 тонна (43,2 фоиз зиёд) шуда, истеҳсоли тухм 555 миллион дона (3,8 фоиз кам) шудааст.

Марзия САИДЗОДА,
АМИТ «Ховар»

АКС: АМИТ «Ховар»

Август 13, 2023 15:32

Хабарҳои дигари ин бахш

Ҳангоми истифодаи хабару маводи сомона истинод ба www.khovar.tj ҳатмӣ аст!
Дар Бохтар як зумра сарбозону афсарони қисмҳои низомӣ бо туҳфаҳои хотиравӣ сарфароз гардонида шуданд
Дар Душанбе ҷаласаи нахустини Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Президенти Тоҷикистон: «Зиндагии орому осудаи мардуми мо ба қимати ҷони ҳазорон нафар ҷавонмардони ватандӯсту ҷоннисор ва бонангу номуси халқи тоҷик ба даст омадааст»
«Муқаддастарин арзиши ҳаёт-дӯст доштан ва содиқона муҳофизат кардани марзу буми Ватан мебошад», — бардошт аз ҳамоиши идона дар Донишгоҳи миллии Тоҷикистон
Ҳайати намояндагии Ҳизби Коммунистии Чин ба Тоҷикистон ташриф овард
Пешвои миллат: «Қувваҳои Мусаллаҳ дар айёми барои халқи Тоҷикистон ва давлати тоҷикон ниҳоят ҳассосу сарнавиштсоз хизмати ҷавонмардонаву таърихӣ анҷом доданд»
Паёми шодбошии Президенти Ҷумҳурии Тоҷикистон Эмомалӣ Раҳмон ба ифтихори Рӯзи Қувваҳои Мусаллаҳи Ҷумҳурии Тоҷикистон
Маҳмадтоир Зокирзода бо Раиси Маҷлиси Бузурги Миллии Туркия Нуман Куртулмуш мулоқот анҷом дод
Дар Боку масоили ҳамкории байнипарлумонии Тоҷикистон ва Таиланд мавриди баррасӣ қарор гирифт
Изҳорот пас аз маросими сарфарозгардонӣ бо мукофоти олии Ҷумҳурии Тотористон