НИШАСТИ МАТБУОТӢ. Кормандони Агентии назорати маводи нашъаовар бо паҳншавии маводи психотропӣ дар шабакаҳои иҷтимоӣ мубориза мебаранд
ДУШАНБЕ, 02.08.2023 /АМИТ «Ховар»/. Қочоқбарони маводи мухаддир барои паҳн намудани моддаҳои психотропии таъсирбахш аз технологияҳои муосири иттилоотӣ истифода мебаранд. Кормандони Агентии назорати маводи нашъаовари мамлакат сарфи назар аз мушкилоти муайян дар пайгирии шабакаҳои иҷтимоӣ бо тамоми воситаҳои мавҷуда бо паҳншавии он мубориза мебаранд. Чунин иброз намуд директори Агентии назорати маводи нашъаовари назди Президенти ҷумҳурӣ Ҳабибулло Воҳидзода имрӯз зимни нишасти матбуотии ин ниҳод.
Сардори шуъбаи мубориза бо гардиши ғайриқонунии маводи мухаддир тазаккур дод, ки дар ҷойҳои ҷамъиятии шаҳр навиштаҷоти марбут ба баъзе сайтҳо дар шабакаҳои иҷтимоӣ пайдо мешаванд. Ҳамин тариқ, нашъаҷалоббон кӯшиш мекунанд, ки «мол»-и худро бо роҳи тамос бифурӯшанд. «Шуъбаи мо дар якҷоягӣ бо сохторҳои дахлдор ба пайдо шудани чунин навиштаҷот сари вақт вокуниш нишон дода, онҳоро нест менамоянд. То ҳол дар пайгирии чунин шабакаҳои иҷтимоӣ – Фейсбук, Одноклассники, Instagram, Twitter, WhatsApp ва Tik-Tok бо мақсади пешгирии паҳншавии моддаҳои психотропӣ дар байни ҷавонон мушкилоти муайяни техникӣ вуҷуд доранд», — гуфт Ҳабибулло Воҳидзода.
Зимнан иброз гардид, ки тибқи омори расмӣ, дар шашмоҳаи аввали соли 2023 дар ҷумҳурӣ 4183 нашъаманд сабти ном шудаанд, ки нисбат ба ҳамин давраи соли 2022 (4437 нафар) 254 нафар ё 5,7% кам мебошад.
Аз шумораи умумии нашъамандон 103 (2022 – 100) нафарро занон ташкил медиҳанд, ки нисбат ба ҳамин давраи соли гузашта 3 нафар зиёд мебошад. Ҳоло ба ҳар 100 ҳазор нафар дар Тоҷикистон 41,8 нашъаманд рост меояд, ки ин яке аз камтарин нишондиҳанда дар Осиёи Марказӣ аст.
София ШОИК,
АМИТ «Ховар»
АКС: АМИТ «Ховар»
ХИЗМАТ БА ВАТАН–ШАРАФИ ҶАВОНМАРДӢ. Имрӯз дар Тоҷикистон Рӯзи даъватшаванда оғоз гардид
Барномаи нави ҳамкорӣ байни Прокуратураҳои генералии Тоҷикистон ва Русия ба имзо расид
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
