Раиси шаҳри Душанбе муҳтарам Рустами Эмомалӣ дар ноҳияи Исмоили Сомонӣ Муассисаи давлатии томактабии №15-ро мавриди баҳрабардорӣ қарор доданд

Август 31, 2023 14:25

ДУШАНБЕ, 31.08.2023. /АМИТ «Ховар»/. 31 август Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Исмоили Сомонии пойтахт Муассисаи давлатии томактабии №15-ро мавриди баҳрабардорӣ қарор доданд.

Раиси шаҳри Душанбе муҳтарам Рустами Эмомалӣ нахуст бо бардоштани парда аз рӯи лавҳаи рамзӣ ба фаъолияти муассиса оғоз бахшида, бо шароити таълиму тарбия дар он шинос шуданд.

Муассисаи томактабӣ аз таҳхона ва ду ошёна иборат буда, барои ба таълиму тарбия фаро гирифтани 100 нафар кӯдак пешбинӣ гардидааст.

Пас аз мавриди истифода қарор гирифтани иншоот барои 20 нафар ҷойи кори доимӣ фароҳам мегардад.

Муассисаи замонавӣ дар партави дастуру ҳидоятҳои Пешвои миллат муҳтарам Эмомалӣ Раҳмон аз ҷониби Ҷамъияти дорои масъулияти маҳдуди “Партнёр” бунёд гардида, дар он таълиму тарбияи кӯдакон ба талаботи замони имрӯза мутобиқ мебошад.

Корҳои сохтмонӣ соли 2022 оғоз гардида, дар муддати кӯтоҳ ҷавобгӯ ба меъёрҳои меъмории замони муосир ба анҷом расонида шудааст.

Дар саҳни муассисаи нави таълимӣ айвонча, ҳавзи тобистонаи шиноварӣ ва суҳбаткадаҳои махсус сохта шудаанд, ки барои гузаронидани машғулият ва бозии кӯдакон хеле мувофиқ мебошанд.

Зимни шиносоӣ бо шароити  муассиса Раиси шаҳри Душанбе муҳтарам Рустами Эмомалӣ бо масъулин суҳбати самимӣ доир намуда, бунёди иншооти соҳаи маорифро аз таваҷҷуҳи рӯзафзуни Ҳукумати мамлакат нисбат ба соҳаи маориф маънидод намуданд.

Таъкид гардид, ки ҳамаи ин шароит баҳри ояндаи дурахшони насли наврас фароҳам оварда шудааст. Аз коргарони даргоҳи илм талаб шуд, ки дар ҷавоб ба ғамхориҳои Ҳукумати Ҷумҳурии Тоҷикистон кӯдаконро ҳамчун фарзандони содиқ ба халқу Ватани худ тарбия намоянд.

Август 31, 2023 14:25

Хабарҳои дигари ин бахш

Дар Вена нахустин консерти Оркестри давлатии симфонии Тоҷикистон баргузор шуд
«ГАНҶИНАИ МЕРОС». Дар Душанбе Фестивал — намоиши либосҳои миллӣ баргузор гардид
Дар Намоишгоҳи байналмилалии сайёҳии Душанбе беш аз 200 ширкати хизматрасони соҳа иштирок дорад
Намоишгоҳи байналмилалии сайёҳии Душанбе-2025 оғоз гардид
Намоишгоҳи байналмилалии сайёҳии Душанбе баргузор мегардад
Доир ба истиқлол ва дурнамои рушди иҷтимоӣ конференсияи байналмилалӣ баргузор гардид
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар вохӯрӣ бо роҳбарону кормандони Кумитаи ҳифзи муҳити зист
Сарвари давлат Эмомалӣ Раҳмон бо роҳбарону кормандони Кумитаи ҳифзи муҳити зист мулоқот намуданд
Пешвои миллат Эмомалӣ Раҳмон ба таври фосилавӣ биноҳои истиқоматии Агентии обуҳавошиносиро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе бинои нави Кумитаи ҳифзи муҳити зистро ифтитоҳ намуданд
Пешвои миллат Эмомалӣ Раҳмон дар ноҳияи Синои шаҳри Душанбе меҳмонхонаи 5 ситорадори “Кровн Плаза Душанбе”-ро мавриди истифода қарор доданд
Дар Ашқобод 34-солагии Истиқлоли давлатии Ҷумҳурии Тоҷикистонро ҷашн гирифтанд