Варзишгарони минтақаи Кӯлоб дар 6 моҳ соҳиби 535 медал гардиданд

КӮЛОБ, 02.08.2023. /АМИТ «Ховар»/. Варзишгарони минтақаи Кӯлоб дар 6 моҳи соли 2023 дар 144 мусобиқаи сатҳи ҷумҳуриявӣ ва 25 мусобиқаи сатҳи байналмилалӣ иштирок намуда, соҳиби 535 медал, аз ҷумла 133  медали тилло, 175 медали нуқра ва 227  медали биринҷӣ гардиданд. Чунин хабар дода шуд зимни нишасти матбуотӣ дар  бахши кор бо ҷавонон ва варзиши минтақаи Кӯлоб Мадина Расулова.

Ҳамчунин гуфта шуд, ки варзишгарони минтақа дар мусобиқаҳои байналмилалӣ сазовори 15 медали тилло, 14 медали нуқра ва 19 медали биринҷӣ шуданд.

Зимни нишасти матбуотӣ иттилоъ дода шуд, ки ҳоло дар минтақаи Кӯлоб 16 мактаби варзишӣ фаъолият менамояд. Дар ин давра аз тарафи бахши кор бо ҷавонон ва варзиши минтақаи Кӯлоб 110 мусобиқаи интихобии минтақавӣ аз рӯи 11 намуди варзиш бо фарогирии 3740 нафар варзишгар  гузаронида шудааст.

Сулаймон ХОЛЗОДА,
АМИТ «Ховар»

АКС: Бахши кор бо ҷавонон ва варзиши минтақаи Кӯлоб